పవన్ కళ్యాణ్ సీఎం కావాలి: జనసేనకు భోళా శంకర్ స్టంట్ మ్యాన్ విరాళం!!

ఆంధ్రప్రదేశ్ రాష్ట్రంలో జనసేన ప్రజా మద్దతు కూడగట్టడం కోసం ప్రయత్నం చేస్తోంది. జనసేన పార్టీ అధినేత పవన్ కళ్యాణ్ ఓ పక్క సినిమాలు చేస్తూనే, మరోపక్క రాజకీయాలలో తనదైన ముద్ర వేయడానికి ప్రయత్నిస్తున్నారు. జనసేన అధినేత పవన్ కళ్యాణ్ వచ్చే ఎన్నికలలో టిడిపితో పొత్తుతో పోటీ చేయాలని నిర్ణయం తీసుకున్నారు. వైసీపీని గద్దె దించడమే లక్ష్యంగా పని చేస్తున్నారు.

అంతేకాదు ఆంధ్రప్రదేశ్ రాష్ట్రంలోని విభిన్న వర్గాల ప్రజలకు అండగా పవన్ కళ్యాణ్ తనదైన శైలిలో సేవలందిస్తున్నారు. ఇక తాజాగా పవన్ కళ్యాణ్ జనసేనకు స్టంట్ మ్యాన్ బద్రి విరాళం ఇచ్చారు. పవన్ కళ్యాణ్ జనసేన పార్టీ ఎంతో సేవ చేయాలని ఆకాంక్షిస్తూ, 50,000 రూపాయలు జనసేన పార్టీకి విరాళంగా అందజేశారు.

28 సంవత్సరాల క్రితం పవన్ కళ్యాణ్ గారు చేసిన సాయమే తనను నిలబెట్టిందని, సార్ చేసిన సాయం తనతో ఆగిపోకూడదు అని పేర్కొన్న స్టంట్ మ్యాన్ బద్రి పవన్ కళ్యాణ్ ఎందరికో సహాయం అందిస్తున్నారని పేర్కొన్నారు. పవన్ కళ్యాణ్ ముఖ్యమంత్రి అయితే తనలాంటి వారికి ఎంతో మందికి అండగా నిలుస్తారని ఆకాంక్షతోనే భోళా శంకర్ సినిమాతో వచ్చిన పారితోషకాన్ని జనసేన పార్టీకి విరాళంగా ఇస్తున్నానని స్టంట్ మాన్ బద్రి పేర్కొన్నారు.

ఈ సందర్భంగా మాట్లాడిన జనసేన అధినేత పవన్ కళ్యాణ్ సినిమాలలో కార్లను పట్టీలు కొట్టించి చేసే డేర్ డెవిల్ స్టంట్స్ ఎంతో కష్టసాధ్యమైనవని, ఎంతో సాహసంతో కూడుకున్నవని తెలుగు చిత్ర పరిశ్రమలో అలాంటి స్టంట్స్ చేయడం బద్రి గారికి మాత్రమే సాధ్యమని జనసేన అధ్యక్షుడు పవన్ కళ్యాణ్ స్పష్టం చేశారు.

శ్రీ పవన్ కళ్యాణ్ గారు చేసే సాయం నాతో ఆగిపోకూడదు - జనసేనకు విరాళం అందించిన స్టంట్ మ్యాన్ శ్రీ బద్రి pic.twitter.com/450cbn8GlC

— JanaSena Party (@JanaSenaParty) September 27, 2023

విశాఖలో నటనలో శిక్షణ తీసుకున్నప్పటి నుండి బద్రితో పరిచయం ఉందని పేర్కొన్న పవన్ కళ్యాణ్ భోళా శంకర్ చిత్రంలో చేసిన స్టంట్స్ కి ఆయనను అభినందించారు. నేడు బద్రి హైదరాబాద్ లో పవన్ కళ్యాణ్ గారిని మర్యాదపూర్వకంగా కలిశారు. సినిమాలో చేసిన స్టంట్స్ కి గాను తాను అందుకున్న పారితోషకం 50 వేల రూపాయలు జనసేన పార్టీకి విరాళంగా అందజేయగా పవన్ కళ్యాణ్ బద్రి కి ధన్యవాదాలు తెలిపారు.

English summary

Pawan Kalyan to be CM to help the needy people, stunt man bhadri said. Bhola Shankar stuntman donated to Janasena 50,000 rupees.