అద్దెకు ఇల్లు, చేసేది వ్యభిచారం: మహిళలతోపాటు నిర్వాహకురాలి అరెస్ట్

అనంతపురం నగరంలో ఓ వ్యభిచార గుట్టురట్టయింది. బసవతారకనగర్‌లో వ్యభిచారం నిర్వహిస్తున్న ఓ ఇంటిపై పోలీసులు దాడి చేశారు. నిర్వాహకురాలితోపాటు ముగ్గురు మహిళలు, విటుడిని అరెస్ట్ చేశారు.

అనంతపురం: నగరంలో ఓ వ్యభిచార గుట్టురట్టయింది. కళ్యాణదుర్గం రోడ్డు సమీపంలోని బసవతారకనగర్‌లో నివాసాల మధ్య వ్యభిచారం నిర్వహిస్తున్న ఓ ఇంటిపై పోలీసులు దాడి చేసి నిర్వాహకురాలితోపాటు ముగ్గురు మహిళలు, విటుడిని అరెస్ట్ చేశారు.

టూటౌన్ పోలీస్ స్టేషన్లో ఏర్పాటు చేసిన మీడియా సమావేశంలో సీఐ యల్లమరాజు, ఎస్ఐ శ్రీనివాసులు ఈ మేరకు వివరాలను వెల్లడించారు. ఆత్మకూరు మండలం వడ్డిపల్లికి చెందిన అలివేలమ్మ బసవతారకనగర్‌లో ఓ ఇంటిని అద్దెకు తీసుకుని శింగనమలకు చెందిన ఓ మహిళ, తూర్పుగోదావరికి జిల్లా పెద్దాపురంలకు చెందిన మరో మహిళతో వ్యభిచారం చేయిస్తోంది.

కాగా, తమకు ఈ విషయంపై సమాచారం అందడంతో ఆదివారం ఈ వ్యభిచార గృహంపై పోలీసులు దాడి చేశారు. నిర్వాహకురాలు, మహిళలతోపాటు ఉరవకొండ మండలం ఆమిద్యాలకు చెందిన రఘు అనే విటుడిని అరెస్ట్ చేశారు. నిందితులను రిమాండ్‌కు తరలించినట్లు తెలిపారు.

English summary

Sex racket busted in Anantapur district and three arrested.