జగన్ హాల్లో ఉండగానే.. ఫైల్స్ ఎత్తుకెళ్లడానికి ప్రయత్నించిన దొంగ!
సీబీఐ కోర్టులోని కొన్ని కీలక ఫైల్స్ ను దొంగిలించేందుకు ఓ దుండగుడు విఫలయత్నం చేశాడు. నగరంలోని గగన్ విహార్ లో ఉన్న సీబీఐ కోర్టులో ఈ అనూహ్య ఘటన చోటు చేసుకుంది.
హైదరాబాద్ : సీబీఐ కోర్టులోని కొన్ని కీలక ఫైల్స్ ను దొంగిలించేందుకు ఓ దుండగుడు విఫలయత్నం చేశాడు. నగరంలోని గగన్ విహార్ లో ఉన్న సీబీఐ కోర్టులో ఈ అనూహ్య ఘటన చోటు చేసుకుంది. సీబీఐ అధికారుల ఛాంబర్ లోకి చొరబడ్డ దుండగుడు ఫైల్స్ ఎత్తుకెళ్లడానికి యత్నించినట్టుగా తెలుస్తోంది.
అయితే వెంటనే అప్రమత్తమైన అధికారులు దుండగుడి యత్నానికి బ్రేక్ వేశారు. అతన్ని అదుపులోకి తీసుకుని విచారిస్తున్నట్టుగా సమాచారం. కాగా, ఈ ఘటన జరిగినప్పుడు ఏపీ ప్రతిపక్ష అధినేత వైఎస్ జగన్ కోర్టు హాల్ లోనే ఉండడం గమనార్హం. ఫైల్స్ ఎత్తుకెళ్లాల్సిన అవసరం ఆ దుండగుడికి ఏమొచ్చింది? అన్న అంశంపై కూపీ లాగే ప్రయత్నం చేస్తున్నారు అధికారులు. మొత్తానికి దుండగుడి చొరబాటుతో ఒక్కసారిగా సీబీఐ కోర్టులో కలకలం రేగింది.
Click it and Unblock the Notifications
Sign in with Google