విజయవాడ పశ్చిమలో సుజనా వర్సెస్ టీడీపీ ! బయటపెట్టేసిన సీనియర్..!

ఏపీలో తాజాగా జరిగిన ఎన్నికల్లో కూటమిగా పోటీ చేసిన టీడీపీ, బీజేపీ, జనసేన నేతలు ఇప్పుడు ఫలితాలు వచ్చి ప్రభుత్వాల ఏర్పాటు పూర్తి కావడంతో ఒక్కొక్కరుగా బయపడుతున్నారు. ముఖ్యంగా ప్రభుత్వ ఏర్పాటు తర్వాత చోటు చేసుకుంటున్న పరిణామాలు కూటమిలో పార్టీల మధ్య అగాధం పెంచుతున్నాయి. ఇందుకు నిదర్శనంగా నిలిచేలా తాజాగా జరిగిన ఓ పరిణామాన్ని విజయవాడ టీడీపీ సీనియర్ నేత ఇవాళ బయటపెట్టేశారు.

రాష్ట్రంలో కూటమి సర్కార్ అధికారంలోకి వచ్చాక భారీ ఎత్తున పోలీసు అధికారుల బదిలీలు జరుగుతున్మాయి. ఇందులో తమకు అనుకూలంగా ఉంటారని భావించిన వారిని తమ నియోజకవర్గాల్లో నియమించుకునేందుకు ఎమ్మెల్యేలు ప్రయత్నిస్తున్నారు. ఇందులో ఎంపీలు కూడా దూరి లాబీయింగ్ చేస్తున్నారు. అయితే మధ్యలో ఎంపీ ఓ పార్టీ, ఎమ్మెల్యే మరో పార్టీ ఉన్న చోట ఇబ్బందులు తప్పడం లేదు. పేరుకు ఇద్దరూ కూటమి పార్టీల ప్రజాప్రతినిధులే అయినా తమ్ముడు తమ్ముడు పేకాట పేకాటే అన్న చందాన పరిస్ధితి తయారవుతోంది.

ఇదే క్రమంలో విజయవాడ పశ్చిమ సీటులో తాజాగా అధికారుల బదిలీల పర్వం బీజేపీ ఎమ్మెల్యే, టీడీపీ నేతల మధ్య చిచ్చు రేపింది. కూటమి ప్రభుత్వాన్ని నడుపుతున్న టీడీపీ నేతలు ఇక్కడ అధికారుల బదిలీల కోసం చేసిన లాబీయింగ్ ఫలించలేదు. వీరి కంటే ఎమ్మెల్యే అయిన సుజనా చౌదరికే ప్రభుత్వం ప్రాధాన్యం ఇవ్వడంతో ఆయన కోరినట్లుగా ఈ బదిలీలు సాగాయి. దీంతో ఆగ్రహంగా ఉన్న టీడీపీ సీనియర్ నేత బుద్ధా వెంకన్న ఇవాళ బయటపడ్డారు. ఎమ్మెల్యే అయితేనే తాను చెప్పినట్లుగా జరుగుతుందని తెలియదని, వచ్చే ఎన్నికల్లో ఎలాగైనా ఎమ్మెల్యే అయ్యేందుకు ప్రయత్నిస్తానని చెప్పుకొచ్చారు.

English summary

tdp senior leader buddha venkanna revealed that his party leaders including him facing trouble with bjp mla sujana Chowdary in Vijayawada west constituency.