తిరుమల శ్రీవారి భక్తులకు అలెర్ట్: నేడు 12గంటలవరకే ఛాన్స్; వాళ్ళు రావొద్దంటున్నటీటీడీ!!
తిరుమల శ్రీవారి భక్తులకు ముఖ్యమైన అలర్ట్ ఇస్తుంది టిటిడి. తిరుమలలో నేడు జరుగుతున్న కుమారధార తీర్థ ముక్కోటికి టిటిడి అన్ని ఏర్పాట్లను పూర్తి చేసి భక్తులకు సూచనలు చేసింది. టిటిడి ఆధ్వర్యంలో భద్రత ప్రమాణాలను పాటిస్తూ నిఘా తో పాటు, తిరుమల శ్రీవారి భక్తులు కుమారధార తీర్థ ముక్కోటిలో పాల్గొననున్న నేపథ్యంలో అన్ని మౌలిక వసతులను కల్పించింది.
నేడు ఉదయం 5 గంటల 30 నిమిషాల నుండి మధ్యాహ్నం 12 గంటల వరకు కుమారధార తీర్థానికి భక్తులను అనుమతిస్తున్నారు. ఈరోజు ఉదయం తెల్లవారుజాము నుంచే భక్తులు కుమారధార తీర్థానికి పోటెత్తారు. కుమారధార తీర్థంలో స్నానం ఆచరిస్తే రోగాలు తగ్గిపోతాయని, ఆరోగ్యం తిరిగి వస్తుందని, వృద్ధాప్యం పోయి యవ్వనంగా మారతారని, యాక్టివ్ గా ఉంటారని నమ్ముతారు. అందుకే ఈ రోజున విశేషంగా భక్తులు కుమారధార తీర్థానికి వస్తారు.
ఈ క్రమంలోనే రోగ బాధల నుంచి ఉపశమనం దొరుకుతుందని చాలామంది దీర్ఘకాలిక వ్యాధులు, తీవ్రమైన అనారోగ్య సమస్యలు ఉన్నవారు ఈ తీర్థానికి నడిచి వెళ్లే ప్రయత్నం చేస్తారు. అలాంటి వారు ఎవరు రావద్దని టిటిడి విజ్ఞప్తి చేస్తుంది. అధిక బరువు, గుండె సంబంధిత సమస్యలు, ఆస్తమా, ఇతర దీర్ఘకాలికవ్యాధులు ఉన్నవారు, చిన్నపిల్లలు, వృద్ధుల శ్రేయస్సును దృష్టిలో పెట్టుకుని అటవీ మార్గంలో ఈ తీర్థానికి నడిచి వెళ్ళడానికి అనుమతి లేదని వెల్లడించింది.
ఇక గోగర్భం నుండి పాప వినాశనం వరకు ఆర్టీసీ బస్సులు నడుపుతున్నట్టు టీటీడీ పేర్కొంది. ట్రాఫిక్ రద్దీ దృష్ట్యా ప్రైవేటు వాహనాలను అనుమతించడం లేదని వెల్లడించింది. పాప వినాశనం నుండి కుమారధార తీర్థం వరకు భక్తులకు ఎలాంటి ఇబ్బందులు కలగకుండా భద్రత సిబ్బంది నుంచి పటిష్టమైన చర్యలు చేపట్టామని పేర్కొంది.
మార్గమధ్యంలో తాగు నీటిని అందుబాటులో ఉంచి, అన్న ప్రసాద విభాగ ఆధ్వర్యంలో పాప వినాశనం డ్యామ్ వద్ద ఉదయం 6 గంటల నుండి భక్తులకు పొంగలి, ఉప్మా, సాంబార్ అన్నం, పెరుగన్నం, పాలు అందించేందుకు ఏర్పాట్లు చేసి అందిస్తోంది. ఇక ప్రైవేట్ సంస్థలు, వ్యక్తులు ఇక్కడ అన్నదానం చేయడానికి అనుమతి లేదని టిటిడి వెల్లడించింది.
ఇక భక్తులకు అవసరమైన షెడ్లు, మార్గమధ్యంలో సేద తీరడానికి కావలసిన వసతులను ఏర్పాటు చేసి, ఏదైనా ఎమర్జెన్సీ పరిస్థితి వస్తే అందుకు తగ్గట్టుగా అంబులెన్స్ లను, డాక్టర్లను, పారామెడికల్ సిబ్బందిని కూడా అందుబాటులో ఉంచి టిటిడి పర్యవేక్షిస్తుంది. కుమారధార తీర్థ ముక్కోటి ఘనంగా నిర్వహిస్తుంది.
-
ఈ అరటి కాయల మధ్య ఉన్న పామును కనిపెట్టగలరా..? -
బంగారం ధరల అంచనాలు తలకిందులు -
తులా రాశి, వృశ్చిక రాశి ఏప్రిల్ నెల జాతక ఫలం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
బంగారం ధరలు అధోగతి- కనీవినీ ఎరుగనంత పతనం -
సికింద్రాబాద్ స్టేషన్ సిద్దం, ప్రధాని మోదీ ప్రారంభం - ముహూర్తం ఫిక్స్..!! -
ఇరాన్ ను లేపేద్దాం రండి: ప్రపంచ దేశాలకు నెతన్యాహు పిలుపు -
మహేష్ బాబు కాకుండా ఆ హీరో అంటే చాలా ఇష్టం - కృష్ణ -
క్రికెట్ రాజకీయాలకు బలైన రియల్ లైఫ్ 'ధురంధర్' ఆదిత్య ధర్! -
విజయ్ సంచలనం.. టీవీకే అభ్యర్థుల ఫుల్ జాబితా విడుదల.. -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
మకరరాశి వార్షిక జాతకం ఇలా.. ఈ ఏడాది విశేష లాభాలు!
Click it and Unblock the Notifications
Sign in with Google