రేపే వరలక్ష్మీ వ్రతం, పూజా ముహూర్తం- ఈ సారి ప్రత్యేకత..!!
తెలుగు రాష్ట్రాల్లో శ్రావణ సందడి కొనసాగుతోంది. వరలక్ష్మీ వ్రతానికి తెలుగు మహిళలు సిద్దం అవుతున్నారు. రేపు (శుక్రవారం) వరాలిచ్చే తల్లి వరలక్ష్మీదేవిని అత్యంత భక్తి శ్రద్ధలతో పూజిస్తారు. ఈ వ్రతాన్ని ఆచరించేందుకు పండితులు సూచనలు చేస్తున్నారు. వివాహితలు అత్యంత భక్తితో చేసుకునే ఈ వరలక్ష్మీ వ్రతం ముహూర్తం.. ఏ సమయంలో పూజ చేసుకోవాలి.. ప్రత్యేకతల గురించి పండితులు కీలక సమాచారం అందిస్తున్నారు.
వరలక్ష్మీ వ్రతం ఆచరించాలనుకునే వారు బ్రహ్మ ముహూర్తం లేదా ఉదయం పూట వ్రతం చేసుకోవడానికి సరైన సమయం. శ్రావణమాసంలో పౌర్ణమికి ముందు రెండో శుక్రవారం చాలా విశిష్టమైనది. ఈ ఏడాది ఆగస్టు 21 వతేదీన వరలక్ష్మి వ్రతం వచ్చింది. ఈ వ్రతాన్ని ఆచరించడం ద్వారా లక్ష్మీ దేవి ప్రత్యేక ఆశీర్వాదం లభిస్తుందని ఇంట్లో సిరి సంపదలతో నిండి ఉంటాయని పురాణాల ద్వారా తెలుస్తుంది.
ఈ వ్రతాన్ని తెల్లవారుజామున బ్రహ్మ ముహూర్తంలో ప్రారంభించి, మధ్యాహ్నం అభిజిత్ ముహూర్తంలో పూజ ముగించడం మంచిదని పండితులు చెబుతున్నారు.ముఖ్యంగా సింహ లగ్నం, వృశ్చిక లగ్నం, కుంభ లగ్నం , వృషభ లగ్న సమయాలు పూజకు ఎంతో అనుకూలంగా ఉంటాయి. ఆయా ప్రాంతాలలోని స్థానిక పంచాగం ప్రకారం సరిగ్గా ముహూర్తం చూసుకుని కలశ స్థాపన చేయడం వల్ల అష్టలక్ష్మీ కటాక్షం లభిస్తుందని విశ్వాసం.
సింహలగ్న పూజ ముహూర్తం ఉదయం 6:10 - 08:28 వరకు, అదే విధంగా వృశ్చిక రాశి పూజ ముహూర్తం మధ్యాహ్నం 12:40 నుంచి 02:58, కుంభ లగ్న పూజ ప్రదోష కాల ముహూర్తం సాయంత్రం 6:20- 7:58 వరలక్ష్మి వ్రతం పూజకు శుభముహూర్త సమయాలుగా చెబుతున్నారు.వరలక్ష్మీ వ్రతం రోజున స్థింహ లగ్నంలో అమ్మవారిని పూజించడం అత్యంత శ్రేయస్కరంగా సూచిస్తున్నారు.
భక్తి శ్రద్ధలతో ఆచరించే ఈ వరలక్ష్మీ వ్రతం దీపావళి పూజతో సమానమైన ఫలితాలను ఇస్తుందని విశ్వసిస్తారు. ఇంకా చారుమతి కథను చదవడం, కనకధారా స్తోత్రాన్ని పఠించడం ద్వారా కోరిన కోరికలు నెరవేరుతాయని పండితులు చెబుతున్నారు. అందరికీ ఉదయం 9:06 నుంచి 10:30 మధ్య సమయంలో పూజ చేసుకోవడానికి చాలా అనుకూలమైన సమయంగా స్పష్టం చేస్తున్నారు.
Click it and Unblock the Notifications
Sign in with Google