Nurse: మద్యలో ఆగిపోయిన పెళ్లి, స్టాఫ్ నర్సు ఏం చేసిందంటే ?, చిన్న వయసులోనే షాకింగ్ నిర్ణయం!

బెంగళూరు: యువతి ప్రముఖ ఆసుపత్రిలో స్టాఫ్ నర్సుగా మంచి ఉద్యోగం చేస్తోంది. నర్సుకు పెళ్లి చెయ్యాలని ఆమె కుటుంబ సభ్యులు అనేక ప్రయత్నాలు చేశారు. వయసు మీదపడుతున్నా ఆమెకు పెళ్లి మాత్రం సెట్ కాలేదు. నీకు జీవితంలో పెళ్లి కాదు అంటూ స్నేహితులు, బంధువులు, ఆసుపత్రిలో ఉద్యోగం చేస్తున్న సాటి నర్సులు ఆమెను తమషాగా ఆటపట్టించారు. ఇంటికి వెళ్లిన నర్సు విచారంతో ఒంటరిగా ఒక్కరోజు ఇంట్లో ఒంటరిగా ఉండిపోయింది. తరువాత జీవితంపై విరక్తి చెందిన నర్సు ఉరి వేసుకుని ఆత్మహత్య చేసుకుంది.

ప్రముఖ ఆసుపత్రిలో నర్సు ఉద్యోగం

బెంగళూరు నగరంలోని గిరినగర్ లో సుమిత్రా (32) అనే యువతి నివాసం ఉంటున్నది. సుమిత్రాకు పెళ్లి చెయ్యాలని ఆమె కుటుంబ సభ్యులు చాలా కాలం నుంచి అనేక ప్రయత్నాలు చేశారు. సుమిత్రా బెంగళూరులోని ప్రశాంత్ ఆసుపత్రి ఉద్యోగం చేస్తూ మంచి జీతం తీసుకుంటున్నది.

మద్యలో ఆగిపోయిన పెళ్లి

ప్రముఖ ఆసుపత్రిలో స్టాఫ్ నర్సుగా మంచి ఉద్యోగం చేస్తున్న సుమిత్రాకు 32 సంవత్సరాలు అయినా పెళ్లి కాలేదని ఆమె కుటుంబ సభ్యులు బంధువుల దగ్గర విచారం వ్యక్తం చేశారు, ఇటీవల ఓ యువకుడితో సుమిత్రా పెళ్లి ఫిక్స్ అయ్యింది. ముహూర్తాలు వరకు వచ్చిన పెళ్లి ఆగిపోయిందని తెలిసింది.

ఆత్మహత్య చేసుకున్న నర్సు

తన పెళ్లి ఆగిపోయిందని తెలుసుకున్న సుమిత్రా ఆసుత్రిలో కూడా సాటి నర్సులతో ఎక్కువగా మాట్లాడలేదని తెలిసింది. ఇంట్లో భోజనం చేసిన సుమిత్రా ఆమె బెడ్ రూమ్ లోకి వెళ్లి ఉరి వేసుకుని ఆత్మహత్య చేసుకుంది. పెళ్లి కాలేదని జీవితంపై విరక్తి పెంచుకున్న సుమిత్రా ఉరి వేసుకుని ఆత్మహత్య చేసుకుందని ఆమె కుటుంబ సభ్యులు పోలీసులకు సమాచారం ఇచ్చారు.

English summary

Shock: Staff nurse commits suicide in Bengaluru city in Karnataka