తల లేకపోయినా.. బతికే ఉన్న కోడి: థాయిలాండ్‌లో వింత..

బ్యాంకాక్: థాయిలాండ్‌లో రచ్చుబురి రాష్ట్రంలో ఒక వింత చోటు చేసుకుంది. తల తెగిపోయినా సరే, ఓ కోడి వారం రోజులుగా బతికే ఉంది. మృత్యువుతో పోరాడుతున్న ఈ కోడి ధైర్యానికి వైద్యులు సైతం మెచ్చుకుంటున్నారు.

తల లేని ఈ కోడికి సంబంధించిన ఫోటోలు ప్రస్తుతం మీడియాలోనూ హల్ చల్ చేస్తున్నాయి. కోడిపై ఏదైనా జంతువు దాడి చేసి దాని తలను తినేసి ఉంటుందని భావిస్తున్నారు. తల లేకపోయినప్పటికీ.. దాని మెడ కింది భాగం ద్వారా గొంతులోకి ఆహారం పంపిస్తున్నారు. అలాగే యాంటీ బయాటిక్స్ కూడా ఇస్తున్నారు.

ప్రస్తుతం ఈ కోడి చికిత్సకు బాగానే స్పందిస్తోందని, దీని ధైర్యాన్ని మెచ్చుకోవాల్సిందేనని వైద్యులు తెలిపారు. అయితే త్వరలోనే దాని నాలుక ఎండిపోయి ఊడిపోయే ప్రమాదం ఉందని అంటున్నారు.

కాగా, గతంలో 1945-47సమయంలో 'మిరాకిల్ మైక్'గా పేరు పెట్టబడిన ఓ కోడి తల లేకుండా ఏకంగా 18నెలల పాటు బతికి రికార్డుల్లోకి ఎక్కింది.

English summary

The bizarre bird was photographed in the Mueang Ratchaburi district of Ratchaburi Province in central Thailand.