బంగారం ధరల్లో కనీవినీ ఎరుగని పెరుగుదల

బంగారం ధరలు అడ్డూ అదుపు లేకుండా పెరుగుతున్నాయి. అంతర్జాతీయ స్థాయిలో చోటు చేసుకుంటోన్న ఉద్రిక్త పరిస్థితులు, సెంట్రల్ బ్యాంకుల బంగారు నిల్వల పెరుగుదల, డాలర్‌పై నమ్మకం తగ్గడం వంటి కారణాలతో పసిడి, వెండి ధరలు సరికొత్త గరిష్ట స్థాయిలను చేరుకుంటోన్నాయి. రోజురోజుకూ పెరుగుతున్నాయి. ఈ ఏడాది తొలి నెలలోనే ఈ రెండింటి ధరలూ అమాంతం ఎగబాకుతున్నాయి. దిమ్మ తిరిగేలా చేస్తోన్నాయి.

మల్టీ కమోడిటీ ఎక్స్ఛేంజ్ (MCX)లో బులియన్ ధరలు దూసుకుపోయాయి. బంగారం ఫ్యూచర్స్ 1.55 శాతం వృద్ధితో 10 గ్రాములకు రూ. 1,58,453కి చేరింది. అదే సమయంలో వెండి ఫ్యూచర్స్ 6.86 శాతం ఎగబాకి కిలోకు రూ. 3,57,650 వద్ద ట్రేడయ్యాయి. దేశీయ మార్కెట్‌లో ఈ రెండింటి ప్రభావం విపరీతంగా కనిపిస్తోంది. అంతర్జాతీయ మార్కెట్ కామెక్స్ (COMEX)లో ఇదే పరిస్థితి నెలకొంది. బంగారం ఫ్యూచర్స్ ధర ఔన్స్‌కు 5,069 డాలర్ల వద్ద స్థిరపడింది. వెండి ఫ్యూచర్స్ ఔన్స్‌కు 109.39 డాలర్ల వద్ద నమోదైంది.

ముంబైలో 10 గ్రాముల 24 క్యారెట్ల బంగారం ధర రూ. 1,61,950గా నమోదైంది. 22 క్యారెట్ల పసిడి ధర రూ. 1,48,450కి చేరింది. కిలో వెండి ధర దేశీయంగా రూ. 3,60,000 స్థాయిని అధిగమించింది. దేశంలో బంగారం ధరలను అంతర్జాతీయ మార్కెట్ రేట్లు, దిగుమతి సుంకాలు, పన్నులు, మారకపు రేట్లలోని హెచ్చుతగ్గులు వంటి అనేక అంశాలు ప్రధానంగా ప్రభావితం చేస్తోన్నాయి.

ప్రధాన నగరాల్లో నేటి బంగారం ధరలు (గ్రాముకు)

చెన్నై..

24 క్యారెట్లు- రూ. 16,320, 22 క్యారెట్లు - రూ. 14,960, 18 క్యారెట్లు - రూ. 12,475

ముంబై..

24 క్యారెట్లు - రూ. 16,195, 22 క్యారెట్లు- రూ. 14,845, 18 క్యారెట్లు - రూ. 12,146

బెంగళూరు..

24 క్యారెట్లు - రూ. 16,195, 22 క్యారెట్లు- రూ. 14,845, 18 క్యారెట్లు- రూ. 12,146

హైదరాబాద్..

24 క్యారెట్లు - రూ. 16,195, 22 క్యారెట్లు- రూ. 14,845, 18 క్యారెట్లు- రూ. 12,146

విజయవాడ..

24 క్యారెట్లు - రూ. 16,195, 22 క్యారెట్లు- రూ. 14,845, 18 క్యారెట్లు- రూ. 12,146

విశాఖపట్నం..

24 క్యారెట్లు - రూ. 16,195, 22 క్యారెట్లు- రూ. 14,845, 18 క్యారెట్లు- రూ. 12,146

English summary

Gold Prices continues Skyrocket to Fresh Peaks at MCX and Bulion Market Starting of the Year. The Gold Prices unprecedented rally continues to hit fresh peaks in the first month of January 2026, following the record year of 2025.