5 రోజుల్లో.. బంగారం ధరల్లో భారీ మార్పులు

Published: Sunday, December 7, 2025, 10:27 [IST]

బంగారం, వెండి ధరల్లో కిందటి వారంలో భారీ మార్పులు చోటుచేసుకున్నాయి. గత అయిదు రోజుల్లో తీవ్ర స్థాయిలో హెచ్చుతగ్గులు నమోదయ్యాయి. ఒకసారి బంగారం పాతాళానికి పడిపోగా, మరోసారి అనూహ్యంగా పుంజుకుంది. బంగారం కొనుగోలు చేయాలనుకునే వారిలో గందరగోళానికి కారణం అయ్యాయి. ఈ ధరల కదలికలను అర్థం చేసుకోవడం చాలా ముఖ్యం అనే విషయాన్ని తెలియజెప్పాయి. వచ్చేవారం పెరుగుదల ఉండొచ్చు.

బంగారం దాని గరిష్ట స్థాయి నుండి దాదాపు రూ. 3,600 మేర తగ్గింది కిందటివారంలో. ఈ ఉదయం మల్టీ కమోడిటీ ఎక్స్ఛేంజ్ (MCX) లో బంగారం ధరలు స్థిరంగా కనిపించాయి. గత అయిదు రోజుల్లో నమోదైన హెచ్చుతగ్గులు ప్రస్తుతానికి లేవు. కిందటి నెల 28న 24 క్యారెట్ల బంగారం ఫ్యూచర్స్ ధర రూ. 1,29,504 ఉండగా, డిసెంబర్ 5న ఇది రూ. 1,30,419 వద్ద ముగిసింది. ఈ లెక్కన అయిదు ట్రేడింగ్ రోజుల్లో ప్రతి 10 గ్రాములకు 915 రూపాయల మేర పెరుగుదల చోటు చేసుకుంది.