తలకిందులు చేస్తోన్న బంగారం ధరలు

కిందటివారం బంగారం, వెండి ధరల్లో హెచ్చుతగ్గులు నమోదయ్యాయి. చివరి మూడు రోజులూ బంగారం రేట్లు పెరగడం కనిపించింది. ఫలితంగా ఈ వారం కూడా పెరుగుదల కొనసాగుతుందనే అంచనాలు మార్కెట్ వర్గాల్లో వ్యక్తమౌతున్నాయి. ఈ పెరుగుదల ఉన్నప్పటికీ వీటి రేట్లు రికార్డు గరిష్ఠ స్థాయిల కంటే చాలా తక్కువ ధరకే ట్రేడ్ అవుతున్నాయి. ముఖ్యంగా, వెండి. ఒక దశలో కిలో వెండి 4,00,000 రూపాయలను అందుకుంది. ఆ తర్వాత ఒక్కసారిగా తగ్గింది. దాదాపు 1.67 లక్షలు తక్కువకు ట్రేడ్ అవుతోంది.

అలాగే బంగారం కూడా. 24 క్యారెట్ల బంగారం కూడా రికార్డుస్థాయి ధర కంటే 36,000- 40,000 వేల రూపాయల వరకు తక్కువగా ఉంటోంది. మల్టీ కమోడిటీ ఎక్స్ఛేంజ్ (MCX)లో వెండి ఫ్యూచర్స్ ధరలో గత వారం గణనీయమైన పెరుగుదల నమోదైంది. ఈ నెల 13న కేజీ వెండి 2,44,360 వద్ద ముగిసింది. ఆ తర్వాత నిరంతర కొనుగోళ్ల కారణంగా శుక్రవారం నాటికి దాని ధర రూ. 2,52,944కి చేరింది. ఇలా వారం రోజుల్లో వెండి సుమారు రూ8,584 మేర ఖరీదుగా మారింది.

బంగారం ధరలో కూడా గత వారం పెరుగుదల నమోదైంది. MCXలో 10 గ్రాముల బంగారం ఫిబ్రవరి 13న రూ. 1,55,895 వద్ద ముగిసింది. వారం చివరి నాటికి ఇది రూ. 1,56,876కి చేరింది. అంటే, వారం రోజుల్లో 10 గ్రాముల బంగారం 981 రూపాయల మేర పెరిగింది. ఈ పెరుగుదల కూడా చివరి మూడు రోజుల్లో చోటు చేసుకుంది. బంగారం కూడా జనవరి 29న తన రికార్డు స్థాయిని తాకింది. ఆ రోజు 24 క్యారెట్ల బంగారం 10 గ్రాములకు రూ. 1,93,096కి చేరుకుంది. ఆ తర్వాత లాభాల స్వీకరణ, మార్కెట్ ఒత్తిడి కారణంగా ధరలు తగ్గాయి.

ఇండియన్ బులియన్ జ్యువెలర్స్ అసోసియేషన్ (IBJA) ప్రకారం, దేశీయ మార్కెట్లో కూడా బంగారం, వెండి ధరలు ఇక ముందు కూడా పెరగొచ్చు. 24 క్యారెట్ల బంగారం 10 గ్రాములకు 1,55,066, 22 క్యారెట్ల బంగారం 10 గ్రాములకు రూ. 1,51,340 గా నమోదు కాగా.. ఇవి 1,60,000 రూపాయల వరకు వెళ్లొచ్చనే అంచనాలు ఉన్నాయి. ప్రపంచవ్యాప్త అనిశ్చితి, డాలర్ ఇండెక్స్‌లో హెచ్చుతగ్గులు, వడ్డీ రేట్లకు సంబంధించిన సూచనల కారణంగా బంగారం, వెండి ధరల్లో అస్థిరత కొనసాగవచ్చని నిపుణులు అభిప్రాయపడుతున్నారు.

ప్రధాన నగరాల్లో నేటి బంగారం ధరలు (గ్రాముకు)

చెన్నై..

24 క్యారెట్లు- రూ. 16,015, 22 క్యారెట్లు - రూ. 14,680, 18 క్యారెట్లు - రూ. 12,560

ముంబై..

24 క్యారెట్లు - రూ. 15,928, 22 క్యారెట్లు- రూ. 14,600, 18 క్యారెట్లు - రూ. 11,946

బెంగళూరు..

24 క్యారెట్లు - రూ. 15,928, 22 క్యారెట్లు- రూ. 14,600, 18 క్యారెట్లు - రూ. 11,946

హైదరాబాద్..

24 క్యారెట్లు - రూ. 15,928, 22 క్యారెట్లు- రూ. 14,600, 18 క్యారెట్లు - రూ. 11,946

విజయవాడ..

24 క్యారెట్లు - రూ. 15,928, 22 క్యారెట్లు- రూ. 14,600, 18 క్యారెట్లు - రూ. 11,946

విశాఖపట్నం..

24 క్యారెట్లు - రూ. 15,928, 22 క్యారెట్లు- రూ. 14,600, 18 క్యారెట్లు - రూ. 11,946

English summary

Gold prices remained steady, with domestic and international markets reflecting continued strength. According to the data from Goodreturns, in India on Sunday, gold is priced at Rs 15,928 per gram for 24-carat gold, Rs 4,600 per gram for 22-carat gold.