LIC నుంచి భారీ గుడ్ న్యూస్.. ల్యాప్స్ అయిన పాలసీల పునరుద్ధరణ
ఆర్థిక కారణాలు, ప్రీమియం డిఫాల్ట్లు, ఉద్యోగ మార్పులు వంటి కారణాలతో గత కొంతకాలంగా అనేక మంది పాలసీదారుల జీవన బీమా పాలసీలు ల్యాప్స్ అవుతున్న పరిస్థితుల్లో, లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) కీలక నిర్ణయం తీసుకుంది. ఇన్-ఫోర్స్ స్టేటస్ కోల్పోయిన పాలసీలను తిరిగి యాక్టివేట్ చేసుకునేలా ప్రత్యేక పునరుద్ధరణ (Special Revival) అవకాశాన్ని అందిస్తున్నట్లు ఎల్ఐసీ ప్రకటించింది
లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) ల్యాప్స్ అయిన జీవన బీమా పాలసీలను తిరిగి అమలులోకి తీసుకురావడానికి ప్రత్యేక పునరుద్ధరణ (Special Revival Scheme) అవకాశాన్ని ప్రకటించింది. ప్రీమియం డిఫాల్ట్ కారణంగా ఇన్-ఫోర్స్ స్టేటస్ కోల్పోయిన పాలసీలను మళ్లీ యాక్టివేట్ చేసుకునేందుకు ఈ నిర్ణయం తీసుకుందిఎల్ఐసీ. పాలసీ కంటిన్యూటీ, రిస్క్ కవర్ రిస్టోరేషన్ మరియు లాంగ్-టర్మ్ ఫైనాన్షియల్ సెక్యూరిటీని దృష్టిలో ఉంచుకుని ఈ స్కీమ్ను ప్రవేశపెట్టినట్లు ఎల్ఐసీ తెలిపింది.
సాధారణంగా నిర్ణీత గ్రేస్ పీరియడ్లో ప్రీమియం చెల్లించకపోతే పాలసీ ల్యాప్స్ అవుతుంది. అలా ల్యాప్స్ అయిన పాలసీలపై డెత్ బెనిఫిట్, సర్వైవల్ బెనిఫిట్, బోనస్ వంటి ప్రయోజనాలు నిలిచిపోతాయి. తాజా రివైవల్ స్కీమ్ కింద, అర్హత కలిగిన పాలసీలను నిర్దిష్ట కాలపరిమితిలో పునరుద్ధరించుకుంటే, పాలసీని తిరిగి ఇన్-ఫోర్స్గా మార్చే అవకాశం కల్పించనున్నారు.
ఈ పునరుద్ధరణ అవకాశం కింద, అర్హత ఉన్న ల్యాప్స్ పాలసీలపై ఆలస్య రుసుములు, జరిమానాలపై రాయితీలు అందించనున్నారు. సాధారణంగా పాలసీ రివైవల్ సమయంలో వడ్డీలు, పెనాల్టీలు భారంగా మారుతుంటాయి. కానీ ఈ ప్రత్యేక అవకాశంలో వాటిని తగ్గించడం ద్వారా పాలసీదారులపై ఆర్థిక భారం తగ్గించడమే ఎల్ఐసీ లక్ష్యంగా పెట్టుకుంది. కొన్ని సందర్భాల్లో మెడికల్ పరీక్షలు లేకుండానే పాలసీని తిరిగి ప్రారంభించే వెసులుబాటు కూడా ఇవ్వనుంది.
పాలసీని పునరుద్ధరించుకుంటే...
ల్యాప్స్ అయిన పాలసీని పునరుద్ధరించుకుంటే, పాలసీదారుడు ఇప్పటికే చెల్లించిన ప్రీమియాలకు పూర్తి విలువ తిరిగి లభిస్తుంది. అంతేకాకుండా, డెత్ బెనిఫిట్, మెచ్యూరిటీ బెనిఫిట్, బోనస్ వంటి ప్రయోజనాలు కూడా కొనసాగుతాయి. దీర్ఘకాలంలో కుటుంబ భద్రత, రిటైర్మెంట్ అవసరాల కోసం ఇది ఎంతో కీలకంగా మారనుంది.
ఎల్ఐసీ పాలసీదారులు తమ పాలసీ పునరుద్ధరణ అర్హతను సమీప ఎల్ఐసీ బ్రాంచ్లో లేదా అధికారిక వెబ్సైట్ ద్వారా తెలుసుకోవచ్చు. అలాగే, పెండింగ్ ప్రీమియాల వివరాలు, అవసరమైన డాక్యుమెంట్లు, రాయితీల సమాచారం కూడా అక్కడే పొందవచ్చు. ఈ అవకాశాన్ని సద్వినియోగం చేసుకుని, బీమా రక్షణను తిరిగి పొందాలని ఎల్ఐసీ పాలసీదారులకు సూచిస్తోంది.
Click it and Unblock the Notifications
Sign in with Google