హలీమ్‌కు అరుదైన గుర్తింపు: మోస్ట్ పాపులర్ జీఐ అవార్డు

హైదరాబాద్ హలీమ్.. అంటే యావత్ ప్రపంచానికి తెలిసిపోయింది. బిర్యానీ తర్వాత అంతా పాపులర్ అయ్యింది. రంజాన్ నెలలో హైదరాబాద్‌లో ప్రత్యేకంగా తయారు చేసే హలీమ్ రుచి చూడాలని అనుకోని వారు ఉండరు. హైదరాబాద్ హలీమ్‌కు అరుదైన గుర్తింపు లభించింది.

హలీమ్ మోస్ట్ పాప్యులర్ జీఐగా హైదరాబాద్ హలీం ఎంపికైంది. రసగుల్లా, బికనీర్ భుజియా వంటి 17 వంటకాలను వెనక్కు నెట్టి మరీ అవార్డును అందుకుంది. కేవలం మనదేశానికి చెందినవారే కాక విదేశీయులు పాల్గొని ఓటింగ్ ద్వారా ఎంపిక చేశారు. భారత వాణిజ్య మంత్రిత్వ శాఖ హైదరాబాద్ హలీమ్‌ను మోస్ట్ పాపులర్ జీఐ అవార్డుకు ఎంపిక చేసింది.

హైదరాబాద్ హలీమ్కు 2010లోనే జియోగ్రాఫికల్ ఇండికేషన్ గుర్తింపు వచ్చిన సంగతి తెలిసిందే. మోస్ట్ పాపులర్ జీఐ అవార్డును గతంలో హైదరాబాద్ హలీమ్ ఓ దఫా చేజిక్కించుకుంది. ఇప్పటికీ దక్కించుకుంది.

ఉపావాసం ఉండే ముస్లింలతోపాటు హిందువులు కూడా ఇష్టంగా కొనుక్కుంటారు. రోజంతా ఉపవాస దీక్షలో ఉండి శక్తిని కోల్పోయిన వారు హలీమ్‌ ద్వారా శరీరంలో కొంత మేరకు శక్తిని పొందగలుగుతారు. హైదరాబాదీ హలీం భౌగోళిక చిహ్నన్ని సొంతం చేసుకొంది.

English summary

hyderabad haleem got most popular GI award