Petrol Pumps: హైదరాబాదు పెట్రోల్ బంకుల్లో కస్టమర్ల ఇబ్బందులు..ఎందుకంటే..?

హైదరాబాద్: దేశంలో 2,000 రూపాయల నోట్ల చలామణిని ఉపసంహరించుకుంటూ కేంద్ర ప్రభుత్వం తీసుకున్న నిర్ణయం కలకలం రేపుతోంది. గందరగోళానికి దారి తీస్తోంది. ఈ నోటు వాడకంలోనే ఉందని, రద్దు కాలేదంటూ రిజర్వ్ బ్యాంక్ ఆఫ్ ఇండియా ప్రకటించినప్పటికీ- దీన్ని స్వీకరించడానికి వ్యాపార సంస్థలు పెద్దగా ముందుకు రావట్లేదు. వాటిని తీసుకోవడానికి ఆసక్తి చూపట్లేదు. ప్రత్యేకించి పెట్రోల్ బంకుల్లో వాహనదారులు ఇక్కట్లకు గురవుతున్నారు.

Hyderabad Indian oil petrol ⛽ pump pa 2000 ki note band ho hai bol raha hai in ka workar or manager be nhi chalta bolara hai RBI na abhi to note kal to diya hai or lase date to 30sep hai bolr ki abhai se hai band kara pump wala@IndianOil_Highw@hydcitypolice @RBI @TSwithKCR pic.twitter.com/b8eAEmfeee

— Md Ibrahim lala (@MdIbrahimlala2) May 20, 2023

దేశంలో 2,000 రూపాయల నోట్ల చలామణిని కేంద్ర ప్రభుత్వం ఉపసంహరించుకున్న విషయం తెలిసిందే. ఈ మేరకు రిజర్వ్ బ్యాంక్ ఆఫ్ ఇండియా శుక్రవారం సాయంత్రం ఓ ప్రకటన విడుదల చేసింది. ఈ ఏడాది సెప్టెంబర్ 30వ తేదీ వరకు ఆ నోట్లను బ్యాంకుల్లో మార్పిడి, డిపాజిట్ చేసుకోవడానికి వీలు కల్పించింది. ఏ బ్యాంకులోనైనా 2,000 రూపాయల నోట్లను మార్చుకోవచ్చని, చలామణిలోనే ఉన్నాయని స్పష్టం చేసింది.

కొన్ని వ్యాపార సంస్థలు ఈ నోట్లను తీసుకోవడానికి నిరాకరిస్తోండటం గందరగోళానికి దారి తీసింది. రూ.2,000 నోటు రద్దయిందని, అది చెల్లదంటూ స్పష్టం చేస్తోన్నాయి. రిజర్వ్ బ్యాంక్ స్పష్టమైన ఆదేశాలు జారీ చేసినప్పటికీ- వారు పట్టించుకోవట్లేదు. దీనితో కొనుగోలుదారులు ఇక్కట్లకు గురవుతున్నారు. పెద్ద నోట్ల మార్పిడి కోసం బ్యాంక్‌ దాకా వెళ్లాల్సిన ఇబ్బంది తప్పుతుందనే కారణంతో వాటిని రోజువారీ కార్యకలాపాల కోసం వినియోగిస్తోన్నారు.

@RBI should issue a notice stating that no one should deny accepting the 2000 rs note, which is still legal tender.
This is because many vendors are currently refusing to accept it, causing inconvenience to people within a short span of time. #2000RupeesNote @PMOIndia

— Dr. Rushikesh Trivedi | DNA diet (@dnadietdr_rushi) May 20, 2023

ప్రత్యేకించి- పెట్రోల్ బంకుల్లో 2,000 డినామినేషన్ నోట్లను తీసుకోవడానికి అక్కడి సిబ్బంది ఏ మాత్రం అంగీకరించట్లేదు. ట్యాంక్ ఫుల్ చేసుకున్నా గానీ తమ వద్ద చిల్లర లేదంటూ ముఖం మీదే తేల్చి చెబుతున్నారు. పెద్ద నోట్లను తీసుకోమని స్పష్టం చేస్తోన్నారు. పెట్రోల్ బంకుల్లో తాము ఎదుర్కొన్న అనుభవాలను వాహనదారులు సోషల్ మీడియా ద్వారా పంచుకుంటోన్నారు. వాటిని రిజర్వ్ బ్యాంక్‌కు ట్యాగ్ చేస్తోన్నారు.

Most vendors are not accepting 2000 notes. Once again people are being harassed in spending their legitimate income. https://t.co/K3VZDzvZlP

— Sushmita Dev সুস্মিতা দেব (@SushmitaDevAITC) May 20, 2023

హైదరాబాద్‌లో ఉన్న ఇండియన్ ఆయిల్ పెట్రోల్ బంక్‌లో 2,000 నోట్లను తీసుకోవడానికి సిబ్బంది అంగీకరించట్లేదంటూ ఓ ట్విట్టరెటీ చెప్పాడు. దీనికి సంబంధించిన వీడియోను ట్విట్టర్ ప్లాట్‌ఫామ్‌ మీద పోస్ట్ చేశారు. 2,000 నోట్లను రిజర్వ్ బ్యాంక్ రద్దు చేసిందని, వాటిని తాము తీసుకోవట్లేదని స్పష్టం చేయడం, బ్యాంకుల్లో డిపాజిట్ చేయాలంటూ సూచించడం ఈ వీడియోల్లో చూడొచ్చు.

English summary

Despite the RBI’s confirmation that Rs 2,000 notes continue to be legal tender, reports have emerged suggesting that certain establishments are refusing to accept them.