అఖిలేష్ యాదవ్‌కు తప్పిన ప్రమాదం: కాన్వాయ్‌లో కార్లను ఢీకొన్న మరో కారు, ముగ్గురికి గాయాలు

సమాజ్‌వాదీ పార్టీ అధినేత, ఉత్తరప్రదేశ్ మాజీ సీఎం అఖిలేష్ యాదవ్‌కు ప్రమాదం తప్పింది. ఉత్తరప్రదేశ్ రాష్ట్రంలోని హర్దోయ్ జిల్లాలో ఆయన కాన్వాయ్‌ వెనుక వస్తున్న వాహనాలను ఓ కారు బలంగా ఢీకొట్టింది.

లక్నో: సమాజ్‌వాదీ పార్టీ అధినేత, ఉత్తరప్రదేశ్ మాజీ సీఎం అఖిలేష్ యాదవ్‌కు ప్రమాదం తప్పింది. ఉత్తరప్రదేశ్ రాష్ట్రంలోని హర్దోయ్ జిల్లాలో ఆయన కాన్వాయ్‌ వెనుక వస్తున్న వాహనాలను ఓ కారు బలంగా ఢీకొట్టింది. దీంతో ప్రమాదానికి గురైన కారులో ఉన్న ముగ్గురు గాయపడ్డారు. దాదాపు ఏడు వాహనాలు ధ్వంసమయ్యాయి. ఈ ఘటన ఉత్తరప్రదేశ్ రాజధాని లక్నోకు 100 కిలోమీటర్ల దూరంలో చోటు చేసుకుంది.

అయితే, ఈ ప్రమాదంలో అఖిలేష్ యాదవ్ కాన్వాయ్‌లోని వాహనాలకు ఎలాంటి ప్రమాదం జరగలేదు. ఈ మేరకు పోలీసులు తెలిపారు. కాగా, ప్రమాదానికి సంబంధించిన విషయం తెలుసుకున్న అఖిలేష్ యాదవ్ కాన్వాయ్ ను అక్కడే కొద్దిసేపు ఆపారు. క్షతగాత్రులను వెంటనే ఆస్పత్రికి తరలించాల్సిందిగా ఆదేశించారు.

అనంతరం పార్టీ కార్యక్రమాల్లో పాల్గొనేందుకు అక్కడ్నుంచి వెళ్లిపోయారు. పోలీసులు తెలిపిన వివరాల ప్రకారం.. ఓ కారు అదుపుతప్పి.. అఖిలేష్ యాదవ్ కాన్వాయ్ వెనుక వస్తున్న వాహనాలను బలంగా ఢీకొట్టింది. అయితే, ఈ ఘటనలో అఖిలేష్ యాదవ్ కాన్వాయ్ కు ఎలాంటి ప్రమాదం జరగలేదని హర్దోయ్ పోలీసు అధికారి ఒకరు చెప్పారు.

सपा प्रमुख अखिलेश यादव का काफिला हरदोई जिले में शुक्रवार दोपहर हादसे का शिकार हो गया। इस हादसे में अखिलेश के काफिले की 6 गाड़ियां क्षतिग्रस्त हुई हैं। घायलों को एंबुलेंस से अस्पताल पहुंचाया जा रहा है। अखिलेश यादव शादी समारोह में शामिल होने हरदोई पहुंचे थे। pic.twitter.com/Fp2dICsdm6

— Rahul Ahir (@rahulahir) February 3, 2023

English summary

Akhilesh Yadav's convoy met with an accident; several hurt as cars crash.