ఏప్రిల్ 1.. ఈ చెత్త పన్ను పెంచుడొకటి

Garbage Tax: బృహత్ బెంగళూరు మహానగర పాలికే అధికారులు షాకిచ్చారు. చెత్త పన్నును విధించారు. ఈ టారిఫ్ ఈ తెల్లవారుజాము నుంచి అమలులోకి వచ్చింది. ఉద్యాననగరిలో వ్యర్థపదార్థలు, ఇతర చెత్త సేకరణ, రవాణా, డంపింగ్ సహా.. ఇతర కార్యకలాపాలను మరింత మెరుగుపరిచడానికి ఈ నిర్ణయం తీసుకున్నారు.

ప్రాపర్టీ ఓనర్లు ఇక తప్పనిసరిగా ఘన వ్యర్థాల నిర్వహణకు సంబంధించిన యూజర్ ఛార్జీలను చెల్లించాల్సి ఉంటుంది. బీబీఎంపీ వ్యర్థాల నిర్వహణ విషయంలో ఓనర్ల నుంచి ఈ యూజర్ ఛార్జీలను ఆస్తి పన్నుతో కలిపి వసూలు చేస్తారు. ప్రస్తుత ఆర్థిక సంవత్సరం అంటే 2025- 2026లో 685 కోట్ల రూపాయల మేర అదనపు ఆదాయాన్ని ఆర్జించాలని బీబీఎంపీ లక్ష్యంగా పెట్టుకుంది.

600 చదరపు అడుగుల వరకు- ప్రతి నెలా 10 రూపాయల మేర చెత్త పన్నును అదనంగా చెల్లించాల్సి ఉంటుంది. 600 నుంచి 1,000 చదరపు అడుగులు- 50 రూపాయలు, 1,000 నుంచి 2,000 చదరపు అడుగులు- 100 రూపాయలు, 2,000 నుంచి 3,000 చదరపు అడుగులు- 150 రూపాయలను ప్రాపర్టీ ట్యాక్స్‌లో కలిపి కట్టాల్సి ఉంటుంది.

3,000 నుంచి 4,000 చదరపు అడుగులు- 200 రూపాయలు, 4,000 చదరపు అడుగులు, ఆపై నెలకు 400 రూపాయలను చెల్లించాల్సి ఉంటుందని బీబీఎంపీ తెలిపింది. పాయింట్ ఆఫ్ సేల్ మిషన్ల ద్వారా ఈ మొత్తాన్ని తమ సిబ్బంది వసూలు చేస్తారని తెలిపింది.

పెద్ద మొత్తంలో వ్యర్థాలను ఉత్పత్తి చేసేవారు, అక్కడికక్కడే వాటిని ప్రాసెస్ చేయాల్సి ఉంటుందని బీబీఎంపీ వివరించింది. అలా చేయకపోతే- అదనంగా కిలోకు 12 రూపాయల చొప్పున చెల్లించాల్సి ఉంటుంది. అక్కడికక్కడే కంపోస్టింగ్ చేసే వారికి కిలోకు మూడు రూపాయల చొప్పున రాయితీ లభిస్తుంది.

బెంగళూరు వ్యర్థాల నిర్వహణ, మౌలిక సదుపాయాలను మెరుగుపరచడానికి, బెంగళూరు సాలిడ్ వేస్ట్ మేనేజ్‌మెంట్ లిమిటెడ్‌కు ఈ బడ్జెట్‌లో 1,400 కోట్ల రూపాయలను కేటాయించింది సిద్ధరామయ్య సర్కార్. రోజూ 1,226 మెట్రిక్ టన్నుల ప్రాసెసింగ్ సామర్థ్యంతో కూడిన మెటీరియల్ రికవరీ ఫెసిలిటీని 104 కోట్ల రూపాయల వ్యయంతో నిర్మించాలని ప్రతిపాదించింది.

English summary

The Bruhat Bengaluru Mahanagara Palike (BBMP) has made it compulsory for all property owners to contribute towards waste management, with fees collected alongside property tax. బెంగళూరులో భారీగా చెత్త పన్ను పెంపు. శ్లాబ్‌ల వారీగా వివరాలివీ