బప్పీలహరి కన్నుమూత - ముంబాయి ఆస్పత్రిలో చికిత్స పొందుతూ : తెలుగు సినిమాలకూ..!!

బాలీవుడ్ ప్రముఖ సంగీత దర్శకుడు ..స్వరకర్త బప్పి లాహిరి కన్నుమూశారు. ముంబైలోని ఓ ఆసుపత్రిలో తుదిశ్వాస విడిచారు. బప్పి లహిరిగాప్రసిద్ధి చెందిన అలోకేష్ లాహిరి వయసు 69 ఏళ్లు. 1952 నవంబర్‌ 27న బెంగాల్‌లో బప్పీలహరి జన్మించారు. భారతీయ చలనచిత్రంలో సింథసైజ్డ్ డిస్కో సంగీతాన్ని ఉపయోగించడాన్ని ప్రాచుర్యంలోకి తెచ్చాడు. బప్పి లహిరి 1970-80 చివరలో చల్తే చల్తే, డిస్కో డాన్సర్, షరాబి వంటి అనేక చిత్రాలలో సూపర్ పాటలను అందించారు.

2020లో శ్రద్దా కపూర్, టైగర్ ష్రాఫ్ కలిసి నటించిన బాఘీ 3లో భంకాస్ పాట చివరిగా ఆలపించారు. తెలుగులో బప్పి లహిరి సింహాసనం సినిమాకు సంగీతం అందించాడు.. ఆ తర్వాత స్టేట్ రౌడీ, సామ్రాట్, గ్యాంగ్ లీడర్, రౌడీ అల్లుడు, రౌడీ ఇన్‏స్పెక్టర్ చిత్రాలకు సంగీతం అందించారు.ఆయన ఆలపించిన 'చల్తే చల్తే', 'డిస్కో డ్యాన్సర్'​, 'షరాబీ' వంటి గీతాలను యువతను ఉర్రూతలూగించాయి. హిందీ, తెలుగు, బెంగాళీ, తమిళం, కన్నడ, గుజరాతీ చిత్రాలకు ఆయన సంగీత దర్శకుడిగా పనిచేశారు. బాలీవుడ్‌లో 50కి పైగా చిత్రాలకు సంగీతం సమకూర్చారు. ఇటీవల డిస్కోరాజా చిత్రంలోనూ ఆయన పాట పాడారు.

English summary

Bollywood Music director Bappilahari passed away in Mumbai. He worked for many famous telugu movies