మహిళా పిఏలంటేనే భయం: ఎంపి సెక్సియెస్ట్ వ్యాఖ్యలు

న్యూఢిల్లీ: అస్సాంలో టెంపోలో సామూహిక అత్యాచారం, తెహెల్కా తరుణ్ తేజ్‌పాల్ లైంగిక వేధింపుల కేసుల నేపథ్యంలో సమాజ్‌వాది పార్టీ పార్లమెంటు సభ్యులు నరేష్ అగర్వాల్ బుధవారం సెక్సియేస్ట్ కామెంట్స్ చేసి చిక్కుల్లో పడ్డారు. ఆయన వ్యాఖ్యలపై ఆగ్రహం వ్యక్తం చేసిన జాతీయ మహిళా కమిషన్ నోటీసులు జారీ చేసేందుకు సిద్ధమైంది.

అసోం అత్యాచారం, తెహెల్కా లైంగిక వేధింపులను ఉదహరిస్తూ.. పనిచేసే చోట మహిళలపై లైంగిక వేధింపుల నిరోధానికి ప్రత్యేక బిల్లుతో చాలామంది అధికారుల్లో భయం పట్టుకుందని, మహిళలను వ్యక్తిగత కార్యదర్శులుగా (పిఏ) నియమించుకోడానికి అధికారులు ఏమాత్రం ఆసక్తి చూపడం లేదని అన్నారు.

వారిని నియమించుకుంటే కష్టాలు కొనితెచ్చుకున్నట్లేనని అభిప్రాయపడ్డారు. వరకట్న నిరోధక చట్టాన్ని దుర్వినియోగం చేస్తున్నట్లే దీన్నీ చేసే అవకాశం లేకపోలేదని అన్నారు. తెహెల్కా ఘటన నేపథ్యంలో సంస్థలు మహిళలను చేర్చుకోవడానికి భయపడతాయన్నారు.

ఆయన వ్యాఖ్యల పైన జాతీయ మహిళా కమిషన్ చైర్ పర్సన్ మమతా శర్మ స్పందించారు. అనిల్ వ్యాఖ్యలు అభ్యంతరకరమని, ఆయనకు నోటీసులు పంపిస్తామని చెప్పారు. నరేష్ తన వ్యాఖ్యల ద్వారా మహిళలు వేధింపులకు గురవుతున్నా ప్రశ్నించవద్దనేలా ఉన్నాయని కవితా కృష్ణన్ అనే అక్టివిస్ట్ అన్నారు.

English summary

Samajwadi Party leader Naresh Agarwal has once again made a controversial statement on the Tehelka case. He has now said that an unforeseen fallout of the sexual assault case is that companies are now scared of hiring women.