సిద్దరామయ్య ఇంటి ముందు శ్రీరాముడు, హనుమంతుడు బ్యానర్లు, ఫ్లెక్సీలు ఔట్ !

Updated: Sunday, May 14, 2023, 17:21 [IST]

బెంగళూరు/న్యూఢిల్లీ: కర్ణాటక అసెంబ్లీ ఎన్నికల్లో ఎవ్వరూ ఊహించని విధంగా కాంగ్రెస్ పార్టీ 135 అసెంబ్లీ నియోజక వర్గాల్లో విజయం సాధించింది. 135 మంది ఎమ్మెల్యేలు ఉన్న కాంగ్రెస్ పార్టీ సొంతంగా కర్ణాటకలో ఐదు సంవత్సరాలు రాజ్యం ఏలనుంది. ఇదే సమయంలో బెంగళూరులోని సిద్దరామయ్య ఇంటి ముందు శ్రీరాముడు, ఆంజనేయస్వామి పోస్టర్లు, ఫ్లెక్సీలు తొలగిస్తున్న వీడియోలు, ఫోటోలు వైరల్ అయ్యాయి.

కాంగ్రెస్ పార్టీకి సంపూర్ణ మెజారిటీ రావడంతో 100 శాంతం ఆ పార్టీ నాయకుడే సీఎం సీటులో కుర్చుంటారు. కర్ణాటకకు కాబోయే ముఖ్యమంత్రి రేసులో సిద్దరామయ్య, డీకే శివకుమార్ ల పేర్లు ముందు వరుసలో ఉన్నారు. బెంగళూరులో మాజీ సీఎం, కాంగ్రెస్ పార్టీ సీనియర్ నాయకుడు సిద్దరామయ్యకు ఇల్లు ఉంది.

Congress leaders remove Lord Ram, Hanuman flexi and banners in front of Siddaramaiahs house

ఇటీవల తాము అధికారంలోకి వస్తే కర్ణాటకలో బజరంగ్ దళ్ ను నిషేధిస్తామని కాంగ్రెస్ పార్టీ ఎన్నికల హామీ ఇచ్చింది. ఇదే సమయంలో సిద్దరామయ్య హిందూ ద్రోహి, హిందూ సమాజాన్ని, హిందూ ధర్మాన్ని నాశనం చెయ్యడానికి ప్రయత్నిస్తున్నారని ఆరోపిస్తూ సిద్దరామయ్య ఇంటి ముందు శ్రీరాముడు, హనుమంతుడు (ఆంజనేయస్వామి) ఉన్న పోస్టర్లు, ఫ్లెక్సీలు ఏర్పాటు చేశారు.

తాను హిందూ ద్రోహి కాదని, తాను హిందువే అని, తాను హిందుత్వానికి, మతత్వ పార్టీలకు వ్యతిరేకం అని, తాను హిందూ ధర్మాన్ని నాశనం చెయ్యడానికి ప్రయత్నించలేదని, మతత్వ పార్టీలను ఎదుర్కొంటున్నానని సిద్దరామయ్య ఇటీవల క్లారిటీ ఇచ్చారు. ఇదే సమయంలో కర్ణాటకలో కాంగ్రెస్ పార్టీ అధికారంలోకి వస్తోంది. ఇన్ని రోజులు బెంగళూరులోని సిద్దరామయ్య ఇంటి ముందు ఉన్న శ్రీరాముడు, హనుమంతుడి ఫ్లెక్సీలు, పోస్టర్లను ఆదివారం కాంగ్రెస్ పార్టీ కార్యకర్తలు తొలగించారు.

#WATCH | Poster of Lord Ram and Bajrang Bali that was put outside Congress leader Siddaramaiah's residence in Bengaluru is now being removed. #KarnatakaElectionResults pic.twitter.com/vtotK0erSu
— ANI (@ANI) May 14, 2023

సిద్దరాయయ్య సీఎం అయితే ఆయన ఇంటి ముందు బీజేపీ నాయకులు నిత్యం పూజించే శ్రీరాముడు, హనుమంతుడి ఫ్లెక్సీలు ఉంటే ప్రజల్తో తప్పుడు సంకేతాలు వెళ్లే అవకాశం ఉందని వాటిని ఆదివారం కాంగ్రెస్ పార్టీ కార్యకర్తలు తొలగించారు. మాజీ సీఎం సిద్దరామయ్య ఇంటి ముందు ఉన్న శ్రీరాముడు, హనుమంతుడి ఫ్లెక్సీలు, పోస్టర్లను తొలగిస్తున్న సమయంలో తీసిన వీడియోలు, ఫోటోలు సోషల్ మీడియాలో వైరల్ అవుతున్నాయి.