కరోనావైరస్: భారత్‌లోని 18 రాష్ట్రాల్లో ‘డబుల్ మ్యూటెంట్ వేరియంట్’

By Bbc Telugu

Updated: Wednesday, March 24, 2021, 19:39 [IST]

దేశవ్యాప్తంగా 18 రాష్ట్రాల్లో సేకరించిన కరోనా శాంపిళ్లలో ఒక కొత్త డబుల్ మ్యూటెంట్ వేరియంట్ కనుగొన్నట్లు భారత ఆరోగ్య మంత్రిత్వ శాఖ చెప్పింది.

దేశంలో పెరుగుతున్న కరోనా కేసులకు, కొత్త వేరియంట్‌కు ఏదైనా సంబంధం ఉందా అనేది ఇప్పటివరకూ లభించిన డేటాలో స్పష్టంగా తెలీడం లేదని చెప్పింది.

కరోనా వైరస్‌లో ఈ కొత్త వేరియంట్‌ను విదేశాల్లో కూడా గుర్తించారు.గత కొంతకాలంగా భారత్ సహా ప్రపంచవ్యాప్తంగా కరోనా కేసులు మళ్లీ వేగంగా పెరుగుతున్నాయి.కరోనా ఈ కొత్త రకానికి సంబంధఇంచిన తగినన్ని కేసులు లభించలేదని ఆరోగ్య శాఖ చెప్పింది.

వైరస్ కొత్త రకం

అయితే వైరస్ ఈ కొత్త రకం శరీరంలో రోగనిరోధక శక్తిని కూడా తప్పించుకుని వ్యాప్తి పెరిగేలా చేస్తుందని చెబుతున్నారు.

వైరస్ ఈ మ్యూటేషన్ దాదాపు 15 నుంచి 20 శాతం శాంపిళ్లలో గుర్తించారు. అయితే ఇది ఇంతకు ముందు రకాలతో సరిపోలడం లేదు.

2020 డిసెంబర్‌తో పోలిస్తే ఈ484క్యూ, ఎల్452ఆర్ మ్యూటేషన్ అంశాల్లో పెరుగుదల ఉన్నట్టు మహారాష్ట్ర నుంచి సేకరించిన శాంపిళ్ల పరీక్షల్లో గుర్తించారు. .

దేశంలోకి వచ్చిన అంతర్జాతీయ ప్రయాణికులు, మిగతా రోగుల నుంచి లభించిన శాంపిళ్ల జీనోమ్ సీక్వెన్సింగ్, దాని విశ్లేషణ తర్వాత ఇలాంటి రకం వైరస్ వ్యాపించిన వారు దేశంలో 10 మంది ఉన్నట్లు గుర్తించారు.

ఇవి కూడా చదవండి: