స్టార్ హీరో భార్యకు బంపర్ ఆఫర్, స్కెచ్ అదిరింది, అదే జరిగితే లెక్కలు తారుమారు, ఇప్పటి నుంచే!

కర్ణాటకలో అధికారంలో ఉన్న కాంగ్రెస్ పార్టీ నాయకులు మంచి జోష్ మీద ఉన్నారు. 2024 లోక్‌సభ ఎన్నికలు కర్ణాటక కాంగ్రెస్ నేతలకు ప్రతిష్టాత్మకంగా మారింది. ఈ నేప‌థ్యంలో కాంగ్రెస్ నేత‌లు భారీ స‌న్నాహాలు చేసుకుంటున్నారు. లోక్ సభ ఎన్నికలకు ఇప్పటి నుంచి ప‌లు వ్యూహాలు ప‌న్నుతున్నారని కర్ణాటక కాంగ్రెస్ పార్టీ నేత‌లు.

లోక్‌సభ ఎన్నికల్లో ఎక్కువ సీట్లు గెలవాలంటే డాక్టర్ రాజ్‌కుమార్‌ కుటుంబసభ్యుల్లో ఒకరిని రంగంలోకి దింపాలని కాంగ్రెస్ పార్టీ నాయకులు ప్లాన్‌ చేశారు. కొద్ది రోజుల క్రితం రాష్ట్ర స్థాయి ఈడిగ సంఘం సమావేశంలో కేపీసీసీ అధ్యక్షుడు డీకే శివకుమార్ డాక్టర్ రాజ్ కుమార్ కుమారుడు, హ్యాట్రిక్ హీరో శివరాజ్ కుమార్ కు బహిరంగంగా లోక్‌సభ టికెట్ ఆఫర్ చేశారు.

అయితే కన్నడ హీరో శివరాజ్‌కుమార్ సున్నితంగా లోక్ సభ టికెట్ ను తిరస్కరించారు తన తండ్రి రాజ్ కుమార్ చూపించిన దారిలోనే తాను సినిమా రంగంలో ఉంటానని, చివరి వరకు నటిస్తానని చెప్పాడు. నాకు రాజకీయాలు వద్దు అని శివరాజ్ కుమార్ అన్నారు అయితే కర్ణాటక మాజీ ముఖ్యమంత్రి బంగారప్ప కూతురు తనకు భార్య అయ్యిందని. నా భార్య గీతాకు ఆసక్తి ఉంటే రాజకీయాల్లోకి వస్తే తాను మద్దతు ఇస్తానని శివరాజ్ కుమార్ చెప్పారు.

లోక్ సభ ఎన్నికల్లో నా భార్య గీతా పోటీ చేస్తే నేను ఆమె వెంటే ఉంటానని, ఆమెకు మద్దతిస్తానని కన్నడ నటుడు శివరాజ్ కుమార్ అన్నారు. ఆ విధంగా డాక్టర్ రాజ్ కుమార్ పెద్ద కోడలు, నటుడు శివరాజ్ కుమార్ భార్య గీతా శివకుమార్ లోక్ సభ ఎన్నికల్లో పోటీ చేయనున్నారు. వచ్చే బీబీఎంపీ ఎన్నికలను దృష్టిలో పెట్టుకుని బెంగళూరులోని రెండు లోక్‌సభ నియోజకవర్గాలను కైవసం చేసుకునేందుకు మాస్టర్ ప్లాన్ వేసిన డీకే శివకుమార్ పక్కా స్కెచ్ వేశారు.

ఒక్కలిగుల కంచుకోటగా ఉన్న బెంగళూరు నార్త్‌ లోక్ సభ నియోజక వర్గంలో కాంగ్రెస్ పార్టీ విజయం సాధించేందుకు సరికొత్త ప్లాన్‌ వేశారు. బెంగళూరు నార్త్ నియోజకవర్గం నుండి సిట్టింగ్ ఎంపీ డీవీ సదానంద గౌడ ప్రత్యక్ష రాజకీయాల నుండి రిటైర్మెంట్ ప్రకటించారు. బీజేపీ కూడా ఈ నియోజక వర్గంలో సరైన అభ్యర్థి కోసం వెతుకుతోంది. అందుకే ఈ నియోజక వర్గంలో ఎలాగైనా గెలుపొందేందుకు కాంగ్రెస్ నాయకులు వ్యూహాలు రచించారు.

బీజేపీ నేతలకు కంచుకోటగా ఉన్న బెంగళూరు నార్త్‌లో సినీనటుడు శివరాజ్‌కుమార్‌ భార్య గీతా శివరాజ్‌కుమార్‌ను బరిలోకి దింపేందుకు కాంగ్రెస్ నేతలు సిద్ధమైనట్లు సమాచారం. గతంలో కృష్ణ బైరేగౌడ 2019 లోక్‌సభ ఎన్నికల్లో పోటీ చేయగా, ఇప్పుడు మాజీ ముఖ్యమంత్రి బంగారప్ప కుమార్తె గీతాను పోటీకి దింపేందుకు కాంగ్రెస్ లెక్కలు వేసుకుందని ఆ పార్టీ నాయకులు అంటున్నారు.

బ్యాటరాయణపూర అసెంబ్లీ నియోజకవర్గంలో నటుడు శివరాజ్ కుమార్ కు లక్షలాది మంది అభిమానులు ఉన్నారు. ఇలా అన్ని కలిసి వచ్చే అవకాశం ఉండటంతో శివరాజ్ కుమార్ భార్య గీతా శివరాజ్ కుమార్ ను లోక్ సభ ఎన్నికల్లో పోటీ చేయించాలని డీకే శివకుమార్ ప్లాన్ చేస్తున్ననారని తెలిసింది. 2023 అసెంబ్లీ ఎన్నికల సమయంలో వరుణ నియోజకవర్గంలోని సిద్ధరామయ్యతో పాటు అనేక నియోజకవర్గాల్లో శివరాజ్ కుమార్ కాంగ్రెస్ తరపున ప్రచారం చేశారు.

ఈ విధంగా గీతా శివరాజ్ కుమార్ బెంగళూరు ఉత్తర లోక్‌సభ నియోజకవర్గంలో పోటీ చేస్తారని, నటుడు శివరాజ్ కుమార్‌తో పాటు కన్నడ సినీ ఇండస్ట్రీకి చెందిన పలువురు నటీనటులు ప్రచారం చేస్తారని తెలిసింది. బెంగళూరు అభివృద్ధి బాధ్యతలు స్వీకరించిన డీకే శివకుమార్ వచ్చే బీబీఎంపీ ఎన్నికలను దృష్టిలో ఉంచుకుని బెంగళూరులోని రెండు లోక్‌సభ నియోజకవర్గాల్లో విజయం సాధించాలని లక్ష్యంగా పెట్టుకున్నారు.

బెంగళూరు రూరల్ నియోజకవర్గం నుంచి ప్రస్తుత ఎంపీగా ఉన్న డీకే సురేష్ ఈసారి కూడా బెంగళూరు రూరల్ నుంచి పోటీ చెయ్యడానికి సిద్దం అయ్యారు అలాగే బెంగళూరు నార్త్ నుంచి గీతా శివరాజ్ కుమార్‌ను పోటీకి దింపడం ద్వారా డీకే బ్రదర్స్ గెలుపు వ్యూహం రచించారని కాంగ్రెస్ పార్టీకి చెందిన కొందరు సీనియర్ నాయకులు చెబుతున్నారు. మొత్తం మీద డాక్టర్ రాజ్ కుమార్ ఫ్యామిలీ నుంచి రాజకీయాల్లోకి గీతా శివరాజ్ కుమార్ వస్తున్నారని తెలుసుకున్న వాళ్ల అభిమానులు ఖుషీగా ఉన్నారు.

English summary

DK Sivakumar is planning to field hero Sivaraj Kumar's wife from Bengaluru North Lok Sabha constituency. Congress is planning to win Lok Sabha constituencies in Bengaluru outright.