పోర్న్ ఫోటోలు షేర్: అడ్డంగా బుక్కయ్యాడు

చెన్నయ్: నిషేదిత చిత్రాలను వాట్సాప్ గ్రూప్ లో షేర్ చేసిన ఇంజనీరును చెన్నయ్ పోలీసులు అరెస్టు చేసి జైలుకు పంపించారు. అతని గ్రూప్ లో మహిళలు ఉన్నారు. ఆ విషయం తెలిసి అతను పోర్న్ ఫోటోలు గ్రూప్ లో షేర్ చేసి అడ్డంగా బుక్కయ్యాడు.

చెన్నయ్ లో ఒకే కంపెనీలో పని చేస్తున్న కొందరు ఉద్యోగులు వాట్సాప్ లో గ్రూప్ గా ఏర్పడ్డారు. ఆ గ్రూప్ లో చెన్నయ్ లో నివాసం ఉంటున్న ఒక ఇంజనీరుతో పాటు మహిళలు ఉన్నారు. గత నెల 29వ తేదిన ఆ ఇంజనీరు చిన్న పిల్లల అసభ్య చిత్రాలను వాట్సాప్ గ్రూప్ లో షేర్ చేశాడు.

ఫోటోల కింద అసభ్యంగా కామెంట్స్ పోస్ట్ చేశాడు. ఈ విషయం గుర్తించిన ఓ మహిళా ఉద్యోగి చెన్నయ్ పోలీసులకు ఫిర్యాదు చేశారు. కేసు నమోదు చేసిన సైబర్ క్రైం పోలీసులు దర్యాప్తు చేసి ఇంజనీరును అరెస్టు చేశారు. అతని దగ్గర ఉన్న మొబైల్ స్వాధీనం చేసుకున్నారు.

చిన్నపిల్లలపై లైంగిక దాడుల నిరోధక చట్టం (పోస్కో) కింద ఆ ఇంజనీరు మీద కేసు నమోదు చేశామని సైబర్ క్రైం పోలీసులు తెలిపారు. గత రెండు నెలలలో చెన్నయ్ లో ఇలాంటి కేసులు మూడు నమోదు చేశామని పోలీసులు తెలిపారు. ఇటివల కేంద్ర ప్రభుత్వం 850 పోర్న్ సైట్ ల మీద నిషేదం విదించిన విషయం తెలిసిందే.

English summary

A Chennai-based engineer has been arrested for allegedly sharing pornographic photographs of a child on a WhatsApp group on July 29.