రేయాన్ స్కూల్ విద్యార్థి హత్య కేసులో మలుపు: సీబీఐ అదుపులో సీనియర్
న్యూఢిల్లీ: గుర్గావ్లోని రేయాన్ ఇంటర్నేషనల్ స్కూల్లో సెప్టెంబర్ 8న మృతి చెందిన ప్రద్యుమ్న ఠాకూర్ హత్య కేసులో సీబీఐ మంగళవారం క్లాస్ 11 విద్యార్థిని అదుపులోకి తీసుకుంది.
రెండు నెలల క్రితం ఏడేళ్ల ప్రద్యుమ్న దారుణ హత్యకు గురైన విషయం తెలిసిందే. ఈ కేసులో ఇప్పుడు సీనియర్ విద్యార్థిని అదుపులోకి తీసుకోవడం గమనార్హం.
ప్రద్యుమ్న కేసులో సదరు సీనియర్ విద్యార్థి అనుమానితుడుగా తెలుస్తోంది. అతనిని సీబీఐ మంగళవారం సాయంత్రం అదుపులోకి తీసుకుంది.
ప్రద్యుమ్నతో పాటు ఆ విద్యార్థి కూడా టాయిలెట్లోకి వెళ్లినట్లుగా కొందరు గుర్తించారని తెలుస్తోంది. సదరు విద్యార్థిని పలుమార్లు ప్రశ్నించారని, అతను మాటలు మార్చినట్లుగా గుర్తించినట్లు తెలుస్తోంది.
Click it and Unblock the Notifications
Sign in with Google