పబ్ లో ఏం జరిగింది ?, స్పృహలోకి వచ్చేసరికి వేరే ఇంట్లో, రేప్ జరిగిందని కేసు పెట్టిన లేడీ టెక్కి !

ఐటీ హబ్ బెంగళూరు నగరంలో ఉద్యోగాలు చేస్తున్న కొందరు యువతి, యువకులు విలాస జీవితానికి అలువాటు పడుతున్నారు. బెంగళూరులోని ప్రముఖ సాఫ్ట్ వేర్ కంపెనీలో టెక్కీగా ఉద్యోగం చేస్తున్న యువతి తాను స్పృహలో లేని సమయంలో తనను ఇంట్లో నిర్బంధించి తన మీద అత్యాచారం చేసి ఉంటారని, లైంగిక దాడి జరిగి ఉంటుందని, కేసు దర్యాప్తు చెయ్యాలని పోలీసులకు మనవి చెయ్యడం కలకలం రేపింది.

కార్పోరేట్ కపెనీలు, ఐటీ కంపెనీలు, ఎంఎన్ సీ కంపెనీల్లో ఉద్యోగాలు చేస్తున్న కొందరు ఫ్రెండ్స్ తో బ్యాచులర్స్ గా అద్దె ఇండ్లు తీసుకుని నివాసం ఉంటున్నారు. కొందరు పీజీల్లో నివాసం ఉంటున్న యువతి, యువకులు అర్దరాత్రి వరకు పార్టీలు, పబ్ లు, బార్ అండ్ రెస్టారెంట్ల చుట్టూ తిరుగుతున్నారు. బ్యాచిలర్ జీవితం గడుపుతున్న కొందరు యువతి, యువకులు బెంగళూరులో విచ్చలవిడిగా ఎంజాయ్ చేస్తున్నారని ఆరోపణలు ఉన్నాయి.

నాపై అత్యాచారం జరిగి ఉంటుందని, లేదా లైంగిక వేధింపులు జరిగినట్లు తనకు అనుమానం ఉందని, నాకు ఏం జరిగిందో పూర్తి విచారణ చేయమని ఓ యువతి బెంగళూరు పోలీసులకు ఫిర్యాదు చెయ్యడం కలకలం రేపింది. లేడీ టెక్కీ బెంగళూరులోని కోరమంగళ పోలీస్ స్టేషన్‌లో ఫిర్యాదు చెయ్యడంతో కేసు నమోదు చేసిన పోలీసులు పలు కోణాల్లో విచారణ చేస్తున్నారు.

డిసెంబరు 12వ తేదీ రాత్రి కోరమంగళ పబ్‌కు వెళ్లిన యువతి తరువాత అక్కడే చాలాసేపు ఉండిపోయింది. అయితే ఆ లేడీ టెక్కీ ఇంటికి వెళ్లలేదు. తాను పబ్ లో ఉన్నాను అనే విషయం కూడా ఆ యువతికి తెలియలేదు. యువతి స్పృహలోకి వచ్చేసరికి కోరమంగల సమీపంలోని ఆడుగోడిలోని దేవేగౌడ లేఅవుట్ సమీపంలోని ఓ ఇంటిలో ఉంది. ఆమె స్పృహలోకి వచ్చిన తరువాత ఆ లేడీ లెక్కీ ఆ ఇంటి తలుపు గట్టిగా బాదేసింది.

లేడీ టెక్కీ తలుపులు బాదుతున్న విషయం గుర్తించిన స్థానికులు వెంటనే 112కు ఫోన్ చేశారు. అనంతరం అడుగోడి పోలీసులు సంఘటనా స్థలానికి చేరుకున్నారు. అక్కడున్న యువతిని పోలీసులు రక్షించారు. అక్కడి నుంచి పోలీసులు యువతిని కోరమంగళ పోలీస్ స్టేషన్ కు తీసుకొచ్చారు. నేను ఆడుగోడిలోని ఇంటికి ఎలా వచ్చానో నాకే తెలియడం లేదని ఆ యువతి పోలీసులకు చెప్పింది. అపస్మారక స్థితిలో ఉన్న నాపై అత్యాచారానికి పాల్పడి ఉంటారనే అనుమానం కలుగుతోందని ఆ యువతి కోరమంగళ పోలీస్ స్టేషన్‌లో ఫిర్యాదు చేసింది.

అందువల్ల ఈ విషయంపై విచారణ జరిపించాలని యువతి ఫిర్యాదు చేసింది.
లేడీ టెక్కీ వాంగ్మూలాన్ని నమోదు చేసుకున్న కోరమంగళ పోలీసులు దర్యాప్తు ప్రారంభించారు. ఈ కేసుకు సంబంధించి పోలీసులు పబ్ లో, ఆడుగోడిలోని యువతి ఉన్న ఇంటి పరిసర ప్రాంతాల్లోని సీసీటీవీలను పోలీసులు పరిశీలిస్తున్నారు. మొత్తం మీద స్పృహలో లేని లేడీ టెక్కీ మీద అత్యాచారం జరిగి ఉంటుందని ఆమెకే అనుమానం రావడంతో కేసు నమోదు కావడం బెంగళూరులో కలకలం రేపింది.

English summary

Lady Techi has filed a case at Bengaluru police station, alleging that she was sexually assaulted and raped when she was unconscious in a pub, and when she woke up she found herself in a different house.