నటి లైంగిక దాడి కేసు: హైకోర్టును ఆశ్రయించిన మలయాళం హీరో దిలీప్ మేనేజర్ !

నటి కిడ్నాప్ లైంగిక దాడి కేసులో అరెస్టు అయిన మాలీవుడ్ ప్రముఖ నటుడు దిలీప్ మేనేజర్ అప్పుణ్ణి కేరళ హైకోర్టును ఆశ్రయించారు. తనకు ముందస్తు జామీను ఇవ్వాలని,

కొచ్చి: నటి కిడ్నాప్ లైంగిక దాడి కేసులో అరెస్టు అయిన మాలీవుడ్ ప్రముఖ నటుడు దిలీప్ మేనేజర్ అప్పుణ్ణి కేరళ హైకోర్టును ఆశ్రయించారు. తనకు ముందస్తు జామీను ఇవ్వాలని, ఈ కేసుతో తనకు ఎలాంటి సంబంధం లేదని అప్పుణ్ణి బుధవారం కేరళ హైకోర్టులో అర్జీ సమర్పించాడు

హీరో దిలీప్ ను పోలీసులు అరెస్టు చేసిన తరువాత ఆయన మేనేజర్ అప్పుణ్ణి తనను కూడా అరెస్టు చేస్తారని భయంతో మాయం అయ్యాడు. అతని కోసం కేరళ పోలీసులు ఇప్పటి వరకూ గాలిస్తూనే ఉన్నారు. అయితే పోలీసులకు చిక్కకుండా అప్పుణ్ణి తప్పించుకుని తిరుగుతున్నాడు.

నటి కిడ్నాప్, లైంగిక దాడికి సంబంధించి పల్సర్ సునీకి హీరో దిలీప్ ఎంత డబ్బు ఇచ్చాడు అని పూర్తి వివరాలు తెలియాలంటే ఆయన మేనేజర్ అప్పుణ్ణిని విచారణ చెయ్యాలని కేరళ పోలీసులు భావించారు. ఈ విషయం తెలుసుకున్న అప్పుణ్ణి మాయం అయ్యాడు.

తన మేనేజర్ అప్పుణ్ణికి తెలీకుండా హీరో దిలీప్ ఎలాంటి నగదు లావాదేవీలు నిర్వహించడని కేరళ పోలీసులు వివరాలు సేకరించారు. దిలీప్ మేనేజర్ అప్పుణ్ణిని విచారించాలని పోలీసులు ఇప్పటికీ ప్రయత్నాలు చేస్తున్నారు. అయితే అజ్ఞాతంలో ఉన్న అప్పుణ్ణి తన న్యాయవాదితో హైకోర్టును ఆశ్రయించాడు.

English summary

Malayalam actor Dileep manager Appunni gives anticipatory bail petition in High court.