విభేదాలకు స్వస్తి పలికి.. ఏకం కండి!

కుల భేదాలకు స్వస్తి పలకాలని రాష్ట్రీయ స్వయంసేవక్ సంఘ్ (RSS) చీఫ్ మోహన్ భగవత్ హిందూ సమాజానికి పిలుపునిచ్చారు. అలీగఢ్‌లో ఐదు రోజుల పర్యటనలో ఉన్న ఆయన అక్కడ జరిగిన ఓ కార్యక్రమంలో పాల్గొని ప్రసంగించారు.ఒకే గుడి, ఒకే బావి, ఒకే శ్వశ్మాన వాటిక అనే సూత్రానికి అందరూ కట్టుబడి ఉండాలన్నారు. దీన్ని పాటిస్తూ సామాజిక సామరస్యానికి కృషి చేయాలని మోహన్ భగవత్ కోరారు.

ప్రపంచ వ్యాప్తంగా శాంతి సాధించడానికి ముందుగా భారత్ సామాజిక ఐక్యత సాధించడం కీలకమని మోహన్ భగవత్ వ్యాఖ్యానించారు. హిందూ సమాజానికి పునాిగా భావించే విలువలు, సంప్రదాయం, సాంస్కృతిక విలువలు, నైతిక సూత్రాల పేరుతో ఆ చీకటి లోయల లోతుల్లో పాతుకుపోయిన ఈ సమాజ ఆలోచన తీరును నిర్మూలించాలన్నారు.

కుల భేదాలకు స్వస్తి పలకాలని మోహన్ భగవత్ పిలుపునిచ్చారు. నైతిక విలువలు పాటిస్తూ సమాజంలోని అన్ని వర్గాలను కలుపుకుని పోవాలన్నారు. ఎలాంటి భేదాలు చూపకుండా అన్ని వర్గాల వారిని ఇళ్లలోకి ఆహ్వానించాలన్నారు. అట్టడుగు స్థాయిలో సామరస్యం, ఐక్యతను వ్యాప్తి చేయాలన్నారు.

సంస్కారం అనే పునాదిపై నుంచి కుటుంబం, దాని విలువలు రూపు దిద్దుకున్నాయని మోహన్ భగవత్ తెలిపారు. ఇది సమాజంలో ప్రాథమిక యూనిట్‌గా ఉంటోందన్నారు. జాతీయవాదం, సామాజిక ఐక్యత పునాదులను మరింత బలోపేతం చేసేందుకు అన్ని పండుగను సామూహికంగా నిర్వహించడం ఎంతో ముఖ్యమని మోహన్ భగవత్ వ్యాఖ్యానించారు.

కాగా, ఈ సంవత్సరం విజయదశమి నుంచి ప్రారంభమయ్యే ఆర్‌ఎస్‌ఎస్ శతాబ్ది ఉత్సవాల సన్నాహాల్లో భాగంగా ఆర్‌ఎస్‌ఎస్ భగవత్ శతాబ్ది ఉత్సవాలకు సన్నాహాల సందర్శన పూర్తయ్యాయి. ఇందులో బ్రజ్ ప్రాంతంలోని ఆర్‌ఎస్‌ఎస్ ప్రచారకులతో ఆయన క్రమం తప్పకుండా సమావేశాలు కూడా ఉన్నాయి. సంస్థాగత నిర్మాణాన్ని బలోపేతం చేయడం, భవిష్యత్తులో జాతీయ స్థాయిలో జరగబోయే కార్యక్రమాల రూపురేఖలపైనా ఆయన చర్చించారు. మోహన్ భగవత్ ప్రస్తుతం అలీఘర్‌లో ఐదు రోజుల పర్యటనలో ఉన్నారు. ఈ సందర్భంగా, ఆయన వివిధ శాఖలలోని స్వచ్ఛంద సేవకులను ఉద్దేశించి ప్రసంగించారు ఆర్ఎస్ఎస్ చీఫ్ మోహన్ భగవత్.