హుటాహుటిన ఏఆర్ రెహ్మాన్ ఆసుపత్రికి తరలింపు: స్టాలిన్ షాక్

Published: Sunday, March 16, 2025, 11:14 [IST]

AR Rahman health update: ప్రముఖ సంగీత దర్శకుడు ఏఆర్ రెహ్మాన్ అనారోగ్యానికి గురయ్యారు. ఛాతీ నొప్పితో ఆసుపత్రిలో అడ్మిట్ అయ్యారు. ఈ ఉదయం ఈ సంఘటన చోటు చేసుకుంది. ఛాతీ నొప్పితో బాధపడుతున్న ఆయనను హుటాహుటిన చెన్నై గ్రీమ్స్ రోడ్‌లో గల అపోలో ఆసుపత్రికి తరలించారు. చికిత్స అందిస్తోన్నారు.

ఈ ఘటనపై తమిళనాడు ముఖ్యమంత్రి ఎంకే స్టాలిన్, ఉప ముఖ్యమంత్రి ఉదయనిధి స్టాలిన్ స్పందించారు. రెహ్మాన్ ఆరోగ్యం గురించి ఆరా తీశారు. ఆయన బాగానే ఉన్నారని, త్వరలో డిశ్చార్జ్ అవుతారని డాక్టర్లు సమాచారం ఇచ్చినట్లు తెలిపారు. అభిమానులు ఆందోళన చెందవద్దని విజ్ఞప్తి చేశారు.

ఇంట్లో ట్రెడ్ మిల్‌పై వాకింగ్ చేస్తోన్న సమయంలో రెహ్మాన్ ఛాతీ నొప్పి ఇబ్బందులకు గురైనట్లు తెలుస్తోంది. నొప్పితో బాధపడుతున్న ఆయనను కుటుంబ సభ్యులు ఉదయం 7:30 గంటల సమయంలో గ్రీమ్స్ రోడ్ అపోలో ఆసుపత్రికి తరలించారు. అత్యవసర విభాగంలో అడ్మిట్ చేశారు. ఆయనకు డాక్టర్లు ఈసీజీ, ఎకోకార్డియోగ్రామ్ వంటి పరీక్షలను నిర్వహించారు. డాక్టర్ల పర్యవేక్షణలో ఉన్నారు.

మొన్నటివరకు ఆయన లండన్‌లో ఉన్నారు. శనివారం ఉదయమే లండన్ నుండి చెన్నైకి తిరిగి వచ్చారు. చేతిలో పలు సినిమాలు ఉండటం వల్ల విశ్రాంతి తీసుకోలేదని, మణిరత్నం దర్శకత్వంలో కమల్ హాసన్ హీరోగా నటిస్తున్న థగ్ లైఫ్ సినిమాకు సంబంధించిన మ్యూజిక్ పనుల్లో గడిపారని చెబుతున్నారు.

ఈ క్రమంలో ఈ ఉదయం వాకింగ్ చేస్తోన్న సమయంలో అనారోగ్యానికి గురయ్యారు. ప్రయాణ అలసట, విశ్రాంతి లేకపోవడం, సమయానికి ఆహారాన్ని తీసుకోకపోవడం వల్ల గ్యాస్ట్రిక్ సంబంధిత ఇబ్బందులు తలెత్తి ఉండొచ్చనే అభిప్రాయాలు కూడా వినిపిస్తోన్నాయి.

இசைப்புயல் @arrahman அவர்கள் உடல்நலக்குறைவால் மருத்துவமனையில் அனுமதிக்கப்பட்டுள்ள செய்தியறிந்தவுடன், மருத்துவர்களைத் தொடர்புகொண்டு அவரது உடல்நலன் குறித்துக் கேட்டறிந்தேன்!

அவர் நலமாக உள்ளதாகவும் விரைவில் வீடு திரும்புவார் என்றும் தெரிவித்தனர்! மகிழ்ச்சி!
— M.K.Stalin (@mkstalin) March 16, 2025

ప్రస్తుతం ఆయన చేతిలో పలు సినిమాలు ఉన్నాయి. థగ్ లైఫ్ విడుదలకు సిద్ధమవుతోంది. ఈ చిత్రం జూన్ 10వ తేదీన విడుదలయ్యే అవకాశం ఉంది. లాహోర్ 1947, తేరే ఇష్క్ మే, రామాయణ్ సిరీస్, రామ్ చరణ్ ఆర్సీ 16, గాంధీ టాక్స్ వంటి సినిమాలకు రెహ్మాన్ సంగీతాన్ని సమకూర్చుతున్నారు.

உடல்நலக்குறைவால் மருத்துவமனையில் அனுமதிக்கப்பட்டுள்ள இசைப்புயல் ஏ.ஆர்.ரகுமான் சார் விரைந்து பூரண நலம் பெற்று இல்லம் திரும்பிட விழைகிறேன்.
— Udhay (@Udhaystalin) March 16, 2025