NCERTకి మరో భారీ షాక్- సిలబస్ కోతలపై నిరసన-తమ పేర్లూ తీసేయాలని 33 మంది నిపుణుల లేఖ..

నేషనల్ కౌన్సిల్ ఫర్ ఎడ్యుకేషనల్ రీసెర్చ్ అండ్ ట్రైనింగ్ (NCERT)కి మరో షాక్ తగిలింది. కరోనా తర్వాత విద్యార్ధులపై భారం తగ్గిస్తున్నామన్న పేరుతో పాఠ్యపుస్తకాల్లో చరిత్రలో పలు పాఠ్యాంశాలను తొలగిస్తూ నిర్ణయాలు తీసుకుంటున్న NCERTకి నిపుణులు, సలహాదారులు వరుసగా షాక్ లు ఇస్తున్నారు. ఇదే క్రమంలో తాజాగా మరో 33మంది నిపుణులు పాఠ్యపుస్తకాల్లో తమ పేర్లు కూడా తీసేయాలని కోరుతూ NCERTకి ఓ సంచలన లేఖ రాశారు.

టెక్స్ట్‌బుక్ డెవలప్‌మెంట్ కమిటీలో వివిధ దశల్లో భాగస్వాములుగా ఉన్న 33 మంది మేధావుల బృందం సిలబస్ లో ఏకపక్షమార్పులకు నిరసనగా పాఠ్యపుస్తకాల నుండి తమ పేర్లను తొలగించాలని NCERTని కోరారు. విభిన్న అభిప్రాయాలు ఉన్నప్పటికీ ఇప్పటివరకూ వీరంతా పొలిటికల్ సైన్స్ కు సంబంధించి అద్భుతమైన పాఠ్యపుస్తకాలు తయారు చేసిన వారిగా వీరికి పేరుంది. అయితే NCERT ఇప్పుడు ఈ పాఠ్యపుస్తకాల్లో అనేక కీలకమైన మార్పులు, తొలగింపులు చేసింది.

పాఠ్యపుస్తకాల్లో ఏది ఆమోదయోగ్యం కానిది, ఏది కావాలో నిర్ణయించేది ఎవరు అనేది అనుమానాస్పదంగా ఉందని నిపుణులు ఆరోపిస్తున్నారు. NCERT నిర్ణయాల్లో పారదర్శకత లోపించిందని, విద్యా విషయక జ్ఢాన ఉత్పత్తికి ఇది ఆటంకమని తాము భావిస్తున్నట్లు ఈ లేఖలో వారు పేర్కొన్నారు. తాజా మార్పుల తర్వాత ఇవి తాము తయారు చేసిన పుస్తకాలు అని చెప్పుకోవడం, వాటిలో తమ పేర్లను ఉంచడం కష్టంగా ఉందని లేఖలో నిపుణులు పేర్కొన్నారు. ఇప్పటికే సిలబస్ సలహాదారులుగా ఉన్న యోగేంద్ర యాదవ్, సుహాస్ పల్సికర్ పాఠ్యపుస్తకాల నుండి తమ పేర్లను తొలగించాలని NCERTని కోరారు.

దేశవ్యాప్తంగా ఉన్న పండితుల సహకారంతో రూపొందించిన పాఠ్యపుస్తకాలను సవరించడానికి మరియు సవరించడానికి NCERT ఏకపక్ష ప్రయత్నాలపై బహిరంగ చర్చకు తాము మద్దతు తెలుపుతున్నట్లు వీరు పేర్కొన్నారు. రాజకీయ శాస్త్రంలో పాఠ్యపుస్తకాలను రూపొందించే ప్రయత్నాలలో పాల్గొన్న తాము...ఈ పాఠ్యపుస్తకాల ద్వారా విద్యార్థులకు స్వాతంత్య్ర పోరాట ఆదర్శాలు, రాజ్యాంగ సభ ఆకాంక్షలు, రాజ్యాంగ సూత్రాలు, నాయకులు, ఉద్యమాల పాత్ర, సమాఖ్య వ్యవస్థ స్వభావం, ఆశాజనకమైన, చైతన్యవంతమైన లక్షణాలను వివరించాలని భావించామన్నారు. తాజా పరిణామాలకు చింతిస్తూ NCERT రాజకీయ శాస్త్ర పాఠ్యపుస్తకాల నుండి పాఠ్యపుస్తక అభివృద్ధి కమిటీ సభ్యులుగా తమ పేర్లు తొలగించవలసిందిగా వీరు కోరారు.

లేఖ రాసిన వారి పేర్లు ఇలా ఉన్నాయి.

1. ముజఫర్ అస్సాదీ, డీన్ ఫ్యాకల్టీ ఆఫ్ ఆర్ట్స్ మరియు ప్రొఫెసర్, మైసూర్ విశ్వవిద్యాలయం
2. కాంతి ప్రసాద్ బాజ్‌పాయ్, నేషనల్ యూనివర్శిటీ, సింగపూర్
3. సబ్యసాచి బసు రే చౌదరి, రవీంద్రభారతి విశ్వవిద్యాలయం, కోల్‌కతా
4. రాజీవ్ భార్గవ, హాన్ ఫెలో, CSDS, ఢిల్లీ
5. ద్వైపాయన్ భట్టాచార్య, CPS, JNU, న్యూఢిల్లీ
6. నవనితా చద్దా బెహెరా, యూనివర్సిటీ ఆఫ్ ఢిల్లీ
7. లజ్వంతి చటానీ, MS యూనివర్సిటీ, బరోడా
8. రాజేశ్వరి దేశ్‌పాండే, సావిత్రిబాయి ఫూలే పూణే విశ్వవిద్యాలయం, పూణే
9. పీటర్ రోనాల్డ్ డిసౌజా, మాజీ డైరెక్టర్, ఇండియన్ ఇన్‌స్టిట్యూట్ ఆఫ్ అడ్వాన్స్‌డ్ స్టడీ, సిమ్లా.
10. రాజేష్ దేవ్, ఢిల్లీ యూనివర్సిటీ
11. అఖిల్ రంజన్ దత్తా, గుహతి యూనివర్సిటీ, గౌహతి
12. అలెక్స్ ఎం జార్జ్, స్వతంత్ర పరిశోధకుడు, కేరళ
13. మాలిని ఘోష్, నిరంతర్, సెంటర్ ఫర్ జెండర్ అండ్ ఎడ్యుకేషన్, న్యూఢిల్లీ
14. నీరజా గోపాల్ జయల్, మాజీ ప్రొఫెసర్, సెంటర్ ఫర్ లా & గవర్నెన్స్, JNU, న్యూఢిల్లీ
15. మనీష్ జైన్, స్కూల్ ఆఫ్ ఎడ్యుకేషన్ స్టడీస్, డాక్టర్ B. R. అంబేద్కర్ విశ్వవిద్యాలయం, ఢిల్లీ
16. షెఫాలీ ఝా, CPS, JNU, న్యూఢిల్లీ
17. కైలాష్ కె. కె., యూనివర్సిటీ ఆఫ్ హైదరాబాద్, హైదరాబాద్
18. మంజరి కట్జూ, యూనివర్సిటీ ఆఫ్ హైదరాబాద్, హైదరాబాద్
19. శైలేంద్ర ఖరత్, సావిత్రిబాయి ఫూలే పూణే విశ్వవిద్యాలయం, పూణే
20. సంజయ్ లోధా, మహాత్మా గాంధీ ఇన్స్టిట్యూట్ ఆఫ్ గవర్నెన్స్ అండ్ సోషల్ సైన్సెస్, జైపూర్
21. సిద్ధార్థ్ మల్లవరపు, శివ్ నాడార్ విశ్వవిద్యాలయం, నోయిడా
22. ప్రతాప్ భాను మెహతా, CPR, న్యూఢిల్లీ
23. నివేదిత మీనన్, JNU, న్యూఢిల్లీ
24. రాధికా మీనన్, విద్యా శాఖ, మాతా సుందరి కళాశాల, యూని. ఢిల్లీకి చెందిన
25. సంజీబ్ ముఖర్జీ, కలకత్తా విశ్వవిద్యాలయం, కోల్‌కతా
26. విపుల్ ముద్గల్, కామన్ కాజ్, న్యూఢిల్లీ
27. సజల్ నాగ్, అస్సాం యూనివర్సిటీ, సిల్చార్
28. ఆదిత్య నిగమ్, గతంలో ప్రొఫెసర్, CSDS, ఢిల్లీ
29. ప్రియవదన్ పటేల్, గతంలో ప్రొఫెసర్, MS యూనివర్సిటీ, బరోడా
30. చైత్ర రెడ్కర్, IISER, పూణే
31. సందీప్ శాస్త్రి, అకడమిక్ డైరెక్టర్, NITTE, బెంగళూరు
32. ఉజ్వల్ కుమార్ సింగ్, యూనివర్సిటీ ఆఫ్ ఢిల్లీ
33. కె.సి. సూరి, విశిష్ట ప్రొఫెసర్, గీతం (డీమ్డ్ యూనివర్సిటీ), విశాఖపట్నం

English summary

another 33 experts and political scientists have asked NCERT to remove their names also from text books in protest of syllabus changes.