Online booking: మసాజ్ సెంటర్లలో ఏం జరుగుతుంది ?, ఇన్స్ పెక్టర్ ను కోడ్ నెంబర్ అడిగితే ?

Published: Sunday, February 26, 2023, 19:40 [IST]

చెన్నై: తమిళనాడులో బ్యూటీ పార్లర్లు, మసాజ్ పార్లర్ల ముసుగులో హైటెక్ వ్యభిచారం చేస్తున్నారని సమాచారం అందడంతో పోలీసులు దాడులు చేస్తూనే ఉన్నారు. తమిళనాడులో ఎక్కువగా వ్యభిచారం చేస్తూ కేసులు నమోదు చేస్తున్నారు. ఈ పరిస్తితిలో చెన్నైలో ఎక్కువగా హైటెక్ వ్యభిచారాలు జరుగుతున్నాయని పోలీసులకు సమాచారం అందింది. పోలీస్ ఇన్‌స్పెక్టర్ మారువేషంలో బ్యూటీ పార్లర్‌కు వెళ్లాడు. ఆ సమయంలో అక్కడే ఉన్న ఓ యువకుడు పోలీస్ ఇన్‌స్పెక్టర్ ను మీరు బుక్ చేసిన అమ్మాయి కోడ్ నంబర్ చెప్పాలని సూచించాడు.

చెన్నైలో మసాజ్ పార్లల్ దందాలు

చెన్నై సిటీలోని ఎగ్మూర్‌లోని ఎథిరాజ్‌ రోడ్డులోని ఓ విలాసవంతమైన హోటల్‌లో బ్యూటీ సెలూన్‌ పేరుతో వ్యభిచారం నిర్వహిస్తున్నట్లు వ్యభిచార నిరోధక విభాగం పోలీసులకు పక్కా సమాచారం అందింది. దీంతో ఆధారాలతో సహా పట్టుకోవాలనే ఉద్దేశంతో పోలీసులు విచారణ చేపట్టారు. నేరుగా డబ్బులు కొనుగోలు చేయకుండా ఆన్‌లైన్‌లో బుకింగ్‌లు చేస్తూ అత్యంత రహస్యంగా వ్యభిచార వ్యాపారం నిర్వహిస్తున్నట్లు పోలీసుల విచారణలో వెలుగు చూసింది.

ఇన్స్ పెక్టర్ కు కోడ్ నెంబర్

దీంతో పోలీస్ ఇన్‌స్పెక్టర్ ప్రభు మారువేషంలో బ్యూటీ పార్లర్‌కు వెళ్లాడు. ఆ సమయంలో అక్కడే ఉన్న ఓ యువకుడు పోలీస్ ఇన్‌స్పెక్టర్ ప్రభును బుక్ చేసిన కోడ్ నంబర్ చెప్పాలని సూచించాడు. ఆ సమయంలో అమ్మాయి బుక్ కోడ్ మరిచిపోయానని ఇన్స్ పెక్టర్ చెప్పాడు. అయితే అమ్మాయిలను చూపించడం కుదరదని ఆ వ్యక్తి చెప్పడంతో అక్కడ అడ్డంగా చిక్కిపోయారు. తరువాత పోలీసులు బ్యూటీ సెలూన్‌పై దాడి చేసి, గదిలో మోడల్స్‌గా ఉన్న మణిపూర్, అస్సాంకు చెందిన మహిళలు, చెన్నైకి చెందిన ముగ్గురు మహిళలను రక్షించారు.

సిటీలో భోగం కంపెనీలకు బ్రాంచ్ లు

తమిళనాడులోని ధర్మపురికి చెందిన సేంద అరుల్ అనే 22 ఏళ్ల యువకుడిని పోలీసులు అదుపులోకి తీసుకుని విచారణ చేపట్టారు.పోలీసులు జరిపిన విచారణలో పూంతమళ్ల పక్కన కట్టుపాక్కం, కుమనంచవాడి కుంరత్తూరు మెయిన్ రోడ్డు, తదితర ప్రాంతాల్లో ఇదే సెలూన్ బ్రాంచ్ వ్యభిచారం నిర్వహిస్తున్న 5 మందిని అరెస్టు చేశారు. 5 మంది మహిళలను రక్షించి ప్రభుత్వ అధికారులకు అప్పగించామని, కేసు విచారణలో ఉందని పోలీసు అధికారులు తెలిపారు.

Published On February 26, 2023