షాకింగ్: బంధువులొచ్చారని హల్వా చేస్తే.. అది తిని ఐదుగురు మరణించారు!

జైపూర్: ఇంటికి బంధువులు రావడంతో ఓ కుటుంబం వేడివేడిగా హల్వా తయారు చేసి వచ్చిన వారికి వడ్డించింది. అంతే - ఆ హల్వా తిని ఐదుగురు మరణించారు. మరో ముగ్గురి పరిస్థితి విషమంగా ఉంది.

రాజస్థాన్‌ భిల్వారా జిల్లాలోని భుటేలా గ్రామంలో ఈ విషాదం చోటుచేసుకుంది. ఈ ఘటన వివరాల్లోకి వెళితే... బంధువుల ఇంటికెళ్లి సరదాగా గడిపిరావాలనుకున్నారు కొంతమంది వ్యక్తులు. భుటేలా గ్రామంలోని బంధువుల ఇంటికెళ్లారు.

రాకరాక బంధువులు రావడంతో ఆ కుటుంబం కూడా సంతోషపడింది. ఆ ఆనందంలో వారు హల్వా తయారు చేసి వేడివేడిగా వడ్డించారు. కానీ దురదృష్టం.. ఆ హల్వాను ఆరగించి ఐదుగురు మరణించగా, మరో ముగ్గురి పరిస్థితి విషమంగా ఉంది.

ఫుడ్ పాయిజన్ కారణంగానే వారు మృతి చెందినట్లు వైద్యులు పేర్కొనడంతో పోలీసులు ఈ మేరకు కేసు నమోదు చేసుకుని దర్యాప్తు చేస్తున్నారు. వారిపై విష ప్రయోగం చేశారా? అనే కోణంలోనూ పోలీసులు ద‌ర్యాప్తు చేస్తున్నారు.

English summary

At least five people were killed and three admitted in a critical condition due to food poisoning, after eating halwa (sweet confections) at a house in Rajasthan's Bhutela town. The deceased are yet to be identified, while the others are admitted Bhilwara's District Hospital with immediate treatment. Gangapur, Deputy Superintendent of Police, Govardhan Lal said, "A halwa was made on the arrival of guests from Chavandia village. Initially, all fell sick and followed with the death of five-year-old, Balur Manur." "Currently, the number of deaths has increased to five," he added. A case has been registered and further details are on.