పంజాబ్‌లో SAD-BSP ప్రభుత్వం ఖాయం, అవసరమైతే బీజేపీ మద్దతు: అకాలీదళ్ నేత మజిథియా

చండీగఢ్: పంజాబ్ అసెంబ్లీ ఎన్నికల అనంతరం ఎస్‌ఏడీ-బహుజన్ సమాజ్ పార్టీ (బిఎస్‌పి) కూటమి అధికారంలోకి వస్తే భారతీయ జనతా పార్టీ (బిజెపి)తో పొత్తు పెట్టుకోవడంపై పార్టీ నిర్ణయం తీసుకుంటుందని శిరోమణి అకాలీదళ్ (ఎస్‌ఏడీ) నాయకుడు బిక్రమ్ సింగ్ మజిథియా ఆదివారం చెప్పారు.

ఇండియా టుడేతో బిక్రమ్ మజిథియా మాట్లాడుతూ.. "నా పోరాటం పంజాబ్ ప్రజల కోసమే. అమృత్‌సర్ తూర్పుకు అభివృద్ధి కావాలి. సంక్షేమ పథకాలు అందని పేదలు ఉన్నారు. అత్యంత వెనుకబడిన వారు ఉన్నారు. సత్యం గెలుస్తుంది' అని అన్నారు.
రాష్ట్ర అసెంబ్లీ ఎన్నికల తర్వాత బీజేపీతో పొత్తుపై నిర్ణయం తీసుకుంటామని బిక్రమ్ మజిథియా చెప్పారు.

జనవరిలో మజిథ, అమృత్‌సర్ ఈస్ట్ అనే రెండు స్థానాల నుంచి నామినేషన్ పత్రాలను దాఖలు చేసిన మజితియా.. అమృత్‌సర్ తూర్పు నియోజకవర్గంలో పంజాబ్ కాంగ్రెస్ అధ్యక్షుడు నవజ్యోత్ సింగ్ సిద్ధూతో తలపడనున్నారు.

కాంగ్రెస్‌పై విరుచుకుపడిన ఎస్ఏడీ నాయకుడు.. "అహంకారం పోతుంది. ప్రజలు ఐదేళ్లుగా కాంగ్రెస్‌ను చూశారు కానీ వారు ఏమీ చేయలేదు' అని అన్నారు. అకాలీదళ్ నాయకుడు గుర్బచన్ సింగ్ కూడా బీజేపీకి సంఖ్యాబలం తగ్గితే ఆ పార్టీతో పొత్తు పెట్టుకునే అవకాశం ఉందని తెలిపారు.

గుర్బచన్ సింగ్ గురుదాస్‌పూర్ నియోజకవర్గం నుంచి ఎస్ఏడీ అభ్యర్థిగా బరిలో ఉన్నారు.

'మేము విజయంపై నమ్మకంతో ఉన్నాము. పంజాబ్‌లో తదుపరి ప్రభుత్వాన్ని అకాలీదళ్-బీఎస్పీ ఏర్పాటు చేస్తుంది. మాకు సంఖ్యాబలం తగ్గితే బీజేపీ మద్దతు తీసుకోవాలని పార్టీ నిర్ణయిస్తుంది. అది సంఖ్యపై ఆధారపడి ఉంటుంది. కానీ కాంగ్రెస్ మా నెం.1 శత్రువు' గుర్బచన్ సింగ్ స్పష్టం చేశారు.

ఎస్ఏడీ, బహుజన్ సమాజ్ పార్టీ (బీఎస్పీ) రాష్ట్రంలో రాష్ట్ర అసెంబ్లీ ఎన్నికల కోసం పొత్తు కుదుర్చుకున్నాయి, రెండు పార్టీలు 25 సంవత్సరాల విరామం తర్వాత కలిసి వచ్చాయి. ఉత్తరప్రదేశ్ మాజీ ముఖ్యమంత్రి మాయావతి నేతృత్వంలోని బీఎస్పీ పంజాబ్‌లోని 117 అసెంబ్లీ స్థానాల్లో 20 స్థానాల్లో పోటీ చేయనుండగా, మిగిలిన స్థానాల్లో ఎస్‌ఏడీ పోటీ చేస్తోంది.

English summary

SAD-BSP will form next Punjab govt, to decide on taking BJP supportif short on numbers: Bikram Singh Majithia.