ఫ్యామిలీ గొడవలు, భర్త మీద దాడి చేసి భార్యను ఎత్తుకెళ్లి పార్క్ లో ఏం చేశారంటే ?

తనతో గొడవపడ్డ భర్తను వెతుక్కుంటూ కర్ణాటకలోని కొప్పల్ జిల్లాలోని గంగావతికి వచ్చిన బెంగళూరుకు చెందిన ఓ మహిళపై అత్యాచారం చేసిన ఘటన కొప్పల్‌లో చోటుచేసుకుంది. కుటుంబ గొడవల కారణాలతో గంగావతి బస్టాండ్‌లో భార్యాభర్తల మధ్య గొడవ జరిగింది. ఇదే విషయాన్ని అతనికి అనుకూలంగా ఉపయోగించుకున్న ఓ నిందితుడు భర్తపై దాడి చేశాడు.

మహిళను పక్కనే ఉన్న పార్కులోకి ఈడ్చుకెళ్లి అత్యాచారానికి పాల్పడ్డాడని ఆరోపణలు ఉన్నాయి.
ఈ ఘటనకు సంబంధించి గంగావతి పోలీస్ స్టేషన్‌లో ఐదుగురిపై కేసు నమోదైంది. నిందితుల బృందంలోని ఓ నిందితుడు వివాహిత మహిళపై అత్యాచారం చేశాడని, మరికొందరు అతడికి సహకరించారని తెలుస్తోంది. మహిళ గంగావతికి చెందిన యువకుడిని ప్రేమించి పెళ్లి చేసుకుంది.

కుటుంబ కలహాల కారణంగా బెంగళూరులో భార్యను వదిలేసిన భర్త అతని సొంత ఊరు అయిన గంగావతికి వెళ్లిపోయాడు. భర్త కోసం బెంగళూరులోని అనేక ప్రాంతాల్లో వెతికిన భార్య చివరికి అతను గంగావతిలో ఉన్నాడని తెలుసుకుంది. భర్తకు నచ్చచెప్పి అతన్ని బెంగళూరుకు పిలుచుకుని వెళ్లాలని అనుకున్న భార్య గంగావతికి చేరుకుంది. భర్త కూడా గంగావతి బస్ స్టాప్ దగ్గరకు వెళ్లాడు.

రాత్రి 9.30 గంటలకు బస్టాప్‌లో దంపతులు గొడవపడ్డారు. దీన్ని ఆసరాగా తీసుకున్న నిందితులు బాధితురాలి భర్తపై దాడి చేశారు. అనంతరం బాధితురాలిని బస్టాండ్‌ సమీపంలోని పార్కులోకి ఎత్తుకుని వెళ్లి తరువాత ఆమె మీద అత్యాచారం చేశాడని తెలిసింది. వివాహిత మహిళపై లింగరాజ్ అనే నిందితుడు అత్యాచారం చేశాడని పోలీసుల ప్రాథమిక విచారణలో వెలుగు చూసింది.

మౌలాహుస్సేన్, శివకుమార్ స్వామి, ప్రశాంత్, మహేష్, మాదేష్ అనే నిందితులు లింగరాజు వివాహిత మహిళ మీద అత్యాచారం చెయ్యడానికి సహకరించారని, నిందితులు కూడా ఆమెను శారీరకంగా ఇబ్బంది పెట్టారని పోలీసుల ప్రాథమిక విచారణలో వెలుగు చూసింది. అత్యాచారం చేసిన తర్వాత లింగరాజు అక్కడి నుంచి తప్పించుకున్నాడు. బాధితురాలు గంగావతి నగర పోలీస్ స్టేషన్‌లో ఫిర్యాదు చేసింది. బస్ స్టాప్ లో, పార్క్ సమీపంలో ఏర్పాటు చేసిన సీసీటీవీ కెమెరాలు పరిశీలించి కేసు దర్యాప్తు చేస్తున్నామని పోలీసు అధికారులు తెలిపారు.

English summary

The accused who attacked the husband took the wife to the park and raped her in Karnataka. The accused who took support of the couple's family quarrels.