Wife: బ్యూటీషియన్ భార్యకు బిగ్ షాట్ ప్రియుడు, వ్యాపారం చేస్తున్న మొగుడు ఏం చేశాడంటే ?, మైండ్ గేమ్ !

ముంబాయి/హైదరాబాద్: భార్యను వదిలేసిన భర్త వేరుగా నివాసం ఉంటూ జోరుగా వ్యాపారం చేశాడు. ధరిద్రం భరతనాట్యం చెయ్యడంతో భర్తకు వ్యాపారం లో నష్టం రావడంతో విలవిలలాడిపోయాడు. మసాజ్ సెంటర్, బ్యూటీపార్లర్ నిర్వహిస్తున్న మాజీ భార్యకు ఓ రంకు మొగుడు ఉన్నాడని భర్తకు ముందే తెలుసు. తాను మళ్లీ వ్యాపారంలో పుంజుకోవాలంటే రసగుల్లా లాంటి భార్య ప్రియుడిని టార్గెట్ చెయ్యాలని భర్త స్కెచ్ వేశాడు. కిలాడీ భార్య ప్రియుడికి ఫోన్ చేసిన కిలాడీ మొగుడు నీ అక్రమ సంబంధం విషయం మాకు తెలిసిపోయింది. కేసు కోర్టు వరకు వెళ్లకూడదంటే రూ. 10 లక్షలు ఇవ్వాలని బ్లాక్ మెయిల్ చేశాడు. భార్య ప్రియుడు ఆమె భర్తకు రూ. 5 లక్షలు ఇచ్చి కేసు మూసేయాలని కాళ్లు పట్టుకున్నాడు. మొదట భార్య ప్రియుడికి ఆమె భర్త రసగుల్లా తినిపించాడు. అయితే జగత్ కిలాడీ భర్త వేసిన స్కెచ్ లో చిన్న తేడా రావడంతో కథ అడ్డం తిరిగింది.

భార్యతో ఎంజాయ్ చేసిన వ్యాపారి

దేశ ఆర్థిక రాజధాని ముంబాయి నగరంలోని బివాడి ప్రాంతంలో తుషార్ శిల్వంత్ అనే వ్యాపారి నివాసం ఉంటున్నాడు. తుషార్ శిల్వంత్ అతని భార్య రేఖా అలియాస్ స్వీటి (పేరు మార్చడం జరిగింది)తో కలిసి నివాసం ఉండేవాడు. వ్యాపారం చేస్తున్న తుషార్ శిల్వంత్ బాగా డబ్బులు సంపాధిస్తూ అతని భార్య స్వీటితో కలిసి ఎంజాయ్ చేశాడు.

భార్య ఫేమస్ బ్యూటీపార్లల్, మసాజ్ సెంటర్ యజమాని

తుషార్ శిల్వంత్ భార్య స్వీటి సొంతంగా మసాజ్ సెంటర్, బ్యూటీపార్లర్ నిర్వహిస్తోంది. స్వీటి నిర్వహిస్తున్న మసాజ్ సెంటర్ కు పురుషులు కూడా వచ్చి వెలుతుంటారు. మసాజ్ సెంటర్ కు వచ్చి వెలుతున్న కొందరు శ్రీమంతులతో స్వీటి చాలా చనువుగా, వారికి దగ్గరగా ఉండటం మొదలుపెట్టిందని తెలిసింది. ఆ ప్రాంతంలో స్వీటి మసాజ్ పార్లల్ చాలా ఫేమస్ అయ్యింది.

దంపతుల కాపురం ఢమాల్

భార్య స్వీటి అందరితో చనువుగా ఉండటంతో ఆమె భర్త తుషార్ కు ఎక్కడో కాలిపోయింది. రసగుల్లా లాంటి తన భార్య స్వీటిని అందరూ పీల్చి పిప్పి చేస్తున్నారని, ఇలాంటి భార్య నాకు అక్కర్లేదని డిసైడ్ అయిన భర్త తుషార్ అమెతో విడిపోవాలని డిసైడ్ అయ్యాడు. అప్పటికే మసాజ్ సెంటర్, బ్యూటీపార్లర్ లో డబ్బులు సంపాధిస్తున్న భార్య స్వీటి కూడా భర్తను ఛీ కొట్టింది. 2020లో తుషార్, స్వీటి ఇద్దరూ విడిపోయి వేరువేరుగా నివాసం ఉంటున్నారు.

బిగ్ షాట్ ప్రియుడిని తగులుకున్న భార్య

రెండు సంవత్సరాల నుంచి కరోనా వైరస్ తో పాటు అనేక కారణాలతో తుషార్ వ్యాపారంలో భారీగా నష్టపోయాడు, వ్యాపారంలో తాను మళ్లీ పుంజుకోవాలని తుషార్ అనేక ప్రయత్నాలు చేశాడు. భర్తతో విడిపోయిన స్వీటి బిగ్ షాట్ అయిన సూరజ్ (పేరు మార్చడం జరిగింది) అనే వ్యక్తితో చట్టాపట్టాలు వేసుకుని తిరుగుతుందని ఆమె మాజీ భర్త తుషార్ కు తెలిసింది.

మాజీ భార్య ప్రియుడికి ఫోన్ చేసి ఏం చెప్పాడంటే ?

తన మాజీ భార్య స్వీటి ప్రియుడిని బ్లాక్ మెయిల్ చేసి లక్షల రూపాయలు వసూలు చెయ్యాలని తుషార్ స్కెచ్ వేశాడు. మాజీ భార్య స్వీటి ప్రియుడు సూరజ్ ఫోన్ నెంబర్ సంపాధించిన భర్త తుషార్ అతన్ని టార్గెట్ చేశాడు. 2021 ఏప్రిల్ 7వ తేదీన తుషార్ అతని మాజీ భార్య ప్రియుడు సూరజ్ కు ఫోన్ చేసి తాను ముంబాయి వాసి ఏరియా క్రైమ్ బ్రాంచ్ పోలీసు అధికారి మాట్లాడుతున్నానని పరిచయం చేసుకున్నాడు. నువ్వు స్వీటితో అక్రమ సంబంధం పెట్టుకున్నావని ఆమె భర్త పోలీసు కేసు పెట్టాడని, నీ కథ అయిపోతుంది అంటూ సూరజ్ ను బెదిరించాడు.

పరువు పోతుందని రూ. 5 లక్షలు ఇచ్చిన ప్రియుడు

స్వీటి వ్యవహారంలో నిన్ను అరెస్టు చేసి బొక్కలో వెయ్యకుండా ఉండాలంటే వెంటనే రూ. 10 లక్షలు ఇవ్వాలని, లేదంటే అరెస్టు చేసి నిన్ను జైలుకు పంపిస్తామని భర్త తుషార్ అతని మాజీ భార్య ప్రియుడు సూరజ్ ను బెదిరించాడు. అక్రమ సంబంధం విషయంలో తాను అరెస్టు అయితే పరువు పోతుందని, నా సొంత భార్య దూరం అవుతుందనే భయంతో సూరజ్ రూ. 5 లక్షలు తీసుకెళ్లి స్వీటి మొగుడు తుషార్ చెప్పిన ఓ వ్యక్తికి ఇచ్చేశాడు. .

ప్రియుడికి అనుమానం మొదలైయ్యింది

రూ. 5 లక్షలు తీసుకున్న తుషార్ మరో రూ. 10 లక్షలు ఇవ్వాలని బెదిరించడం మొదలుపెట్టాడు. మే 1వ తేదీన మళ్లీ ఫోన్ చేసిన తుషార్ తనకు వెంటనే రూ. 10 లక్షలు ఇవ్వాలని, లేదంటే రాత్రి నీ ఇంటికి వచ్చి నిన్ను అరెస్టు చేశామని బెదిరించాడు. మనిషి కనపడకుండా రూ. 5 లక్షలు వసూలు చేశాడని, ఇప్పుడు మరో రూ. 10 లక్షలు అడుగుతున్నారని, అసలు వీళ్లు క్రైమ్ బ్రాంచ్ పోలీసులేనా అనే డౌట్ వచ్చింది.

భర్త ఏదో అనుకుంటే ప్రియుడు ఏదో చేసేశాడు

సూరజ్ కు అనుమానం ఎక్కువ కావడంతో స్థానిక మనపడ పోలీస్ స్టేఫన్ సీనియర్ పోలీసు అధికారి డీకే. చౌరీని కలిసి జరిగిన విషయం పిన్ టూ పిన్ చెప్పాడు. స్థానిక పోలీసులు రంగంలోకి దిగి స్కెచ్ వేశారు. ప్రియుడు సూరజ్ నుంచి తుషార్ కు ఫోన్ చేపించి రూ. 10 లక్షలు తీసుకోవడానికి రావాలని పిలిపించారు. డబ్బులు తీసుకోవడానికి వెళ్లిన నకిలీ క్రైమ్ బ్రాంచ్ అధికారి తుషార్ ను మనపడ పోలీసులు అరెస్టు చేశారు. కిలాడీ మొగుడు తుషార్ కు అతని మాజీ భార్య ఏమైనా సహకరించిందా ?, ఈ బ్లాక్ మెయిల్ దందాలో ఆమె ప్రమేయం ఏమైనా ఉందా అని ఆరా తీశారు. అయితే తుషార్ బ్లాక్ మెయిల్ కేసులో అతని మాజీ భార్య ప్రమేయం లేదని పోలీసుల విచారణలో వెలుగు చూసింది. మొత్తం మీద మాజీ భార్య ప్రియుడిని మోసం చేసి లక్షలు లాక్కోవాలని ప్రయత్నించిన మాజీ భర్త జైలుకు వెళ్లి బెయిల్ మీద బయటకు వచ్చి ఆ కేసు వాయిదాల చుట్టూ తిరుగుతున్నాడు.

English summary

Year Ender 2021: Sketch, A Bhiwandi resident, Tushar Shilwant, has been held for blackmailing and extorting from his beautician wife’s friend by posing as a police officer. Shilwant and his wife are estranged and he had been facing losses in his business amid the lockdown. After getting arrested, he admitted to having taken advantage of the duo’s friendship for money.