chandrayaan 3 : చంద్రయాన్ 3 దిగిన స్దలానికి శివశక్తి పేరు-శివుడి తలపై చంద్రుడన్న యోగీ..

చంద్రుడి నిగూఢ రహస్యాలు ఛేదించేందుకు ఇస్రో ప్రయోగించిన చంద్రయాన్ 3 విజయవంతమైంది. ఈ ప్రయోగం సక్సెస్ పై ఇస్రోకు దేశవిదేశాల నుంచి ప్రశంసలు అందుతున్నాయి. అదే సమయంలో ప్రధాని మోడీ విక్రమ్ ల్యాండర్ చంద్రుడిపై దిగిన స్ధలానికి శివశక్తిగా నామకరణం చేశారు. దీనిపై దేశవ్యాప్తంగా పలువురు రాజకీయనేతలు స్పందిస్తున్నారు. ఇదే క్రమంలో యూపీ సీఎం యోగీ ఆదిత్యనాథ్ కూడా శివశక్తి పేరుపై స్పందించారు.

యూపీ సీఎం యోగీ ఆదిత్యనాథ్.. సోషల్ మీడియా ప్లాట్ ఫామ్ ఎక్స్ లో "చంద్రుని తలపై ధరించిన శివుని పేరులో క్షేమ భావన అంతర్లీనంగా ఉంటుందని తెలిపారు. చంద్రయాన్ -3 యొక్క మూన్ ల్యాండర్ ల్యాండ్ అయిన ప్రదేశానికి గౌరవనీయమైన ప్రధాని శివశక్తిగా పేరు పెట్టారని, 'ప్రపంచ సంక్షేమం' పట్ల 'న్యూ ఇండియా' యొక్క సంకల్పాన్ని 'శివశక్తి'గా ఆయన అభివర్ణించారు.

చంద్రయాన్ మిషన్‌ను విజయవంతంగా పూర్తి చేయడం వెనుక ఉన్న భారత అంతరిక్ష సంస్ధ ఇస్రో శాస్త్రవేత్తలను కలవడానికి ప్రధానమంత్రి నరేంద్ర మోడీ ఇవాళ తెల్లవారుజామున బెంగళూరు చేరుకున్నారు. శాస్త్రవేత్తలను ఉద్దేశించి ప్రసంగిస్తూ, చంద్రుని ఉపరితలంపై విక్రమ్ ల్యాండర్ యొక్క టచ్‌డౌన్ స్పాట్‌ను 'శివశక్తి' పాయింట్ అని పిలుస్తామని ప్రకటించారు. చంద్రయాన్-2 లూనార్ ల్యాండింగ్ పాయింట్‌ను 'తిరంగ' పాయింట్ అని పిలుస్తామని చెప్పారు. ఆగస్టు 23 (చంద్రయాన్-3 విజయవంతమైన రోజు)ని 'జాతీయ అంతరిక్ష దినోత్సవం'గా కూడా ప్రధాని ప్రకటించారు.

चंद्रमा को अपने मस्तक पर धारण करने वाले शिव के नाम में ही कल्याण की भावना अंतर्निहित है।

जिस स्थान पर चंद्रयान-3 का मून लैंडर उतरा है, उस point का आदरणीय प्रधानमंत्री श्री @narendramodi जी द्वारा 'शिवशक्ति' नामकरण 'विश्व कल्याण' के प्रति नए भारत के संकल्प को प्रकट करता है। pic.twitter.com/W7n7D8V80Q

— Yogi Adityanath (@myogiadityanath) August 26, 2023

దీనిపై స్పందించిన యోగీ ఆదిత్యనాథ్.. "చంద్రయాన్-2 తన పాదముద్రలను వదిలిన చంద్రునిపై 'త్రివర్ణం' అని పేరు పెట్టడం ద్వారా గౌరవనీయమైన ప్రధానమంత్రి దేశప్రజలకు వైఫల్యం కారణంగా ఎప్పటికీ వదులుకోవద్దని సందేశం ఇచ్చారు. ఈ 'త్రివర్ణ' పాయింట్, బలమైన సంకల్ప శక్తికి ప్రతీక. శక్తి మరియు నిరంతర కృషి, భారతదేశం యొక్క ప్రతి ప్రయత్నానికి ప్రేరణగా మారుతుంది" అని యూపీ ముఖ్యమంత్రి యోగీ ఆదిత్యనాథ్ ఎక్స్ లో చేసిన ట్వీట్ లో వెల్లడించారు.

English summary

uttarpradesh cm yogi adityanath today reacted to pm modi's naming of chandrayaan 3 landing spot as shivshakti and said that it was like shiva who wears the moon on his head.