బంగారమే వర్షంగా: విమానం నుంచి జారిపడిన 3.4టన్నుల గోల్డ్(వీడియో)
Recommended Video
మాస్కో: అవును అక్కడ బంగారమే వర్షంగా కురిసింది. ఓ విమానం నుంచి ఏకంగా కిలోల కొద్ది బంగారం, అత్యంత విలువైన ప్లాటినం దిమ్మలు రన్ వే పై పడింది. ఈ ఘటన వజ్రాలు, బంగారు గనులకు నిలయమైన రష్యాలోని యకుతియా ప్రాంతంలో చోటు చేసుకుంది.
వివరాల్లోకి వెళితే.. యకుస్క్ విమానాశ్రయంలో నింబూస్ ఎయిర్లైన్స్ విమానం గాల్లోకి ఎగిరిన కొద్దిసేపటికే వస్తువులు తరలించే విభాగం తలుపులు తెరచుకున్నాయి. దీంతో బంగారం దిమ్మలు, ప్లాటినం, విలువైన రత్నాలు జలజలా రన్వేపై జారిపడ్డాయి.
Ok. Gold rain drops looked that way on Yakutsk Airport’s runway. Pretty heavy and sonorous... Video by transport police from Whatsapp. pic.twitter.com/YYiO1P6lh7
— Bolot Bochkarev (@yakutia) March 15, 2018
కాగా, ఆ పరిసరాల్లో ఎవరూ లేకపోవడంతో ఎవరికీ ఎలాంటి గాయాలూ కాలేదు. విమానాన్ని సిబ్బంది జాగ్రత్తగా కిందకు దించగలిగారు. దీనికి సంబంధించిన చిత్రాలు ఇంటర్నెల్లో హల్చల్ చేస్తున్నాయి.
ఈ ఘటన వాస్తవమేనని రష్యా దర్యాప్తు బృందం గురువారం స్పష్టీకరించింది. పరిసరాల్లోని చికోత్కా ప్రాంతానికి చెందిన ఓ గనులు తవ్వే సంస్థ బంగారాన్ని తరలిస్తుండగా ప్రమాదవశాత్తు విమానం తలుపులు తెరుచుకున్నట్లు వెల్లడించింది. మొత్తంగా 3.4 టన్నుల బంగారం నేలపై పడినట్లు వెల్లడించింది.