ఇస్లామిక్ స్టేట్ వీడియోతో స్ఫూర్తి: ఆరుగురి తలలు నరికిన హంతకుడి అరెస్ట్

సావోపాలో: ఉగ్రవాద సంస్థ ఇస్లామిక్ స్టేట్ హత్యల వీడియోలతో స్ఫూర్తి పొంది వరుస హత్యలకు పాల్పడుతున్న ఓ హంతకుడ్ని(23) బ్రెజిల్ పోలీసులు బుధవారం అరెస్ట్ చేశారు. నిందితుడు ఇప్పటికే చాలా మందిని గొడ్డలితో నరికి చంపాడని పోలీసులు తెలిపారు. ఐఎస్ఐఎస్ వీడియోలతో ప్రభావితమైన నిందితుడు ఈ హత్యలకు పాల్పడ్డాడని పోలీసులు చెప్పారు.

‘ఇప్పటి వరకు నిందితుడు ఏడుగురిపై దాడి చేశాడు. ఇందులో ఆరుగురు మృతి చెందారు. శనివారం నాడు తొలి హత్యకు పాల్పడ్డాడు. మా విచారణలో మరిన్ని హత్యలు బయటపడే అవకాశం ఉంది' అని మోగిదాస్ క్రూజెస్‌కు చెందిన పోలీస్ కమిషనర్ మార్కోస్ బటల్హా వెల్లడించారు. నిందితుడు అతని ఎడమ భుజంపై గొడ్డలి టాట్టూను వేసుకున్నాడని తెలిపారు.

బుధవారం అతని నివాసంలో తలలేని మూడు మృతదేహాలను గుర్తించినట్లు ఆయన చెప్పారు. న్యూస్ పోర్టల్ జి1 కథనం ప్రకారం.. 36మందిని హత్య చేయాలని నిందితుడు నిర్ణయించుకున్నట్లు పోలీస్ కమిషనర్ తెలిపారు. ఐఎస్ఐఎస్ ఉగ్రవాదులు కొందరు జర్నలిస్టుల తలనరికిన వీడియోలను చూసి నిందితుడికి ఈ ఆలోచన వచ్చినట్లు చెప్పారు.

వరుస హత్యలకు పాల్పడుతూ ఆనందాన్ని పొందుతున్నట్లు నిందితుడు వెల్లడించాడని ఆయన తెలిపారు. తనను ఎవ్వరూ అరెస్ట్ చేయలేరని నిందితుడు భావించినట్లు చెప్పారు. వీధుల్లో పన్నుల చెల్లించకుండా ఉండే ప్రజలను తాను హత్య చేసినట్లు నిందితుడు తెలిపాడని పోలీసులు వెల్లడించారు.

ఓ వ్యక్తి తలను నరుకుతుండగా చూసిన ఓ ప్రత్యక్షసాక్షి అందించిన సమాచారం మేరకు నిందితుడ్ని అరెస్ట్ చేసినట్లు పోలీసులు చెప్పారు.

English summary

Brazilian police said on Wednesday they had arrested a suspected serial killer who attacked victims with an axe before decapitating them, allegedly taking his inspiration from watching gruesome Islamic State videos.