Citigroup Lay Off: ఉద్యోగులకు షాకిచ్చిన బ్యాంక్.. 20 వేల మంది తొలగింపునకు నిర్ణయం..!

అమెరికాలోని ప్రముఖ బ్యాంక్ ఉద్యోగులకు షాకింగ్ వార్త చెప్పింది. రాబోయే రెండేళ్లలో 20,000 మంది ఉద్యోగులను లేదా దాదాపు 10% మంది ఉద్యోగులను తొలగించాలని సిటీ గ్రూప్ యోచిస్తోంది. కంపెనీ పునర్వవస్థీకరణలో భాగంగా రాబడులను పెంచేందుకు వాల్ స్ట్రీట్ దిగ్గజం సిటీ గ్రూప్ 2024లో ఉద్యోగాలను తగ్గించే పనిలో ఉన్నట్లు తెలుస్తోంది. 2023 నాల్గవ త్రైమాసికంలో 1.8 బిలియన్ డాలర్ల నష్టాలను ఆ కంపెనీ శుక్రవారం నివేదించింది.

అయితే ఆదాయం గత సంవత్సరంతో పోలిస్తే 3% తగ్గి $17.4 బిలియన్లకు చేరుకుంది. తొలగింపుల వల్ల బ్యాంకుకు 2.5 బిలియన్ల డాలర్ల వరకు ఆదా అయ్యే అవకాశం ఉంది. "ముఖ్యమైన అంశాల ప్రభావం కారణంగా నాల్గవ త్రైమాసికం చాలా నిరాశాజనకంగా ఉన్నప్పటికీ, సిటీని సరళీకృతం చేయడంలో, 2023లో మా వ్యూహాన్ని అమలు చేయడంలో మేము గణనీయమైన పురోగతి సాధించాము" అని సిటీ గ్రూప్ CEO జేన్ ఫ్రేజర్ అన్నారు.

సిటీ తొలగింపులు 2026 నాటికి దాని ఉద్యోగుల సంఖ్యను 180,000కి తీసుకువస్తాయని సిటీ గ్రూప్ ప్రతినిధి పేర్కొన్నారు. గత ఏడాది చివర్లో బ్యాంక్‌లో దాదాపు 10% సీనియర్ మేనేజర్ స్థాయి వారిని తొలగించారు. సిటీ గ్రూప్ రాబడిని మెరుగు పర్చడం లక్ష్యంగా 2023 సెప్టెంబర్ లో భారీ మార్పులు శ్రీకారం చుట్టింది. ఉద్యోగాల తొలగింపుతో బ్యాంక్ దాని లాభాల లక్ష్యాలకు చేరువయ్యే అవకాశం ఉంది.

ఆర్థిక సంస్థలు తమ స్టాక్ ధరలలో క్షీణతతో కూడిన గందరగోళ సంవత్సరం నుంచి కోలుకోవడానికి ప్రయత్నిస్తున్నందున సిటీ బ్యాంక్ సంస్థాగత సమగ్ర మార్పు వచ్చింది. ఫోర్బ్స్ ప్రకారం యూఎస్ లోని 15 అతిపెద్ద బ్యాంకులు గత ఆగస్టులో ఒక్క రోజులో 46 మిలియన్ డాలర్లకు పైగా విలువను కోల్పోయాయి.

English summary

It seems that Citigroup has decided to lay off 20 thousand employees in the coming days. Due to this, many people are looking for other jobs from now on.