భారత్ మన జాబ్స్ దొంగిలిస్తోంది, గోడ కడతా: ట్రంప్

వాషింగ్టన్: అమెరికా అధ్యక్ష రేసులో ఉన్న రిపబ్లికన్ పార్టీ అభ్యర్థి డొనాల్డ్ ట్రంప్ భారత్ పైన మరోసారి వివాదాస్పద వ్యాఖ్యలు చేశారు. భారత్‌లాంటి దేశాలు అమెరికాలోని యువతకు ఉద్యోగాలను దక్కనీయకుండా చేస్తున్నాయని మండిపడ్డారు.

అమెరికా దేశ యువతకు ఎలాగైనా ఉపాధి కల్పిస్తామని చెప్పారు. కొలంబియా విమానాశ్రయంలో స్థానికులను ఉద్దేశించి ఆయన మాట్లాడారు. అమెరికాను మళ్లీ అత్యున్నత స్థానానికి తీసుకెళ్తానని, దేశంలో ఉన్న ఉద్యోగాల్లో అత్యధిక శాతం భారత్‌, చైనా, జపాన్‌, మెక్సికో లాంటి దేశాలు సొంతం చేసుకుంటున్నాయన్నారు.

ఆ ఉద్యోగాలను అమెరికా యువతకు దక్కేలా చర్యలు తీసుకుంటామని చెప్పారు. అవసరమైతే అమెరికా-మెక్సికో సరిహద్దులో గోడను నిర్మిస్తామని సంచలన వ్యాఖ్యలు చేశారు. స్థానిక నినాదంతో అమెరికా అధ్యక్ష పదవిలో రేసులో ఉన్న డొనాల్డ్ ట్రంప్.. భారతీయుల పైన వరుసగా అక్కసు వెళ్లగక్కుతున్నారు.

English summary

Donald Trump sold the dream of "making America great again" by promising to bring back jobs from countries like India, China, Japan and Mexico.