హెలికాప్టర్ శకలాలు గుర్తింపు: బతికి ఉండే ఛాన్స్ లేనట్టే?
Ebrahim Raisi: ఇరాన్ అధ్యక్షుడు ఇబ్రహీం రైసీ ప్రయాణిస్తోన్న హెలికాప్టర్ పెను ప్రమాదానికి గురైంది. ఈ దుర్ఘటనలో ఎంతమంది మరణించారనేది ఇంకా తెలియరాలేదు. రైసీ- ప్రాణాలో ఉన్నారా? లేదా? అనేది ఇంకా నిర్ధారణ కావట్లేదు. ఈ ఘటనతో ఇరాన్ ఉలిక్కి పడింది. ఆయన క్షేమంగా తిరిగి రావాలని కోరుకుంటోన్నట్లు వివిధ దేశాల అధ్యక్షులు, ప్రధానమంత్రులు సందేశాలు పంపించారు.
ఇరాన్- అజర్బైజాన్ సరిహద్దుల్లో కొత్తగా నిర్మించిన ఓ డ్యామ్ ప్రారంభోత్సంలో పాల్గొని తిరిగి వచ్చే సమయంలో ఈ దుర్ఘటన సంభవించింది. అజర్బైజాన్ అధ్యక్షుడు ఇల్హామ్ అలియేవ్తో కలిసి ఈ కార్యక్రమంలో పాల్గొన్నారు ఇబ్రహీం రైసీ. డ్యామ్ ప్రారంభోత్సవం ముగిసిన తరువాత హెలికాప్టర్లో రాజధాని టెహ్రాన్కు తిరుగుముఖం పట్టారు.
ఈస్ట్ అజర్బైజాన్ ప్రావిన్స్లోని వర్జాఖాన్- జోల్ఫా మధ్య విస్తరించి ఉన్న దట్టమైన డిజ్మర్ అడవుల మీదుగా హెలికాప్టర్ ప్రయాణిస్తోన్న సమయంలో అది కుప్పకూలింది. ఆ సమయంలో హెలికాప్టర్లో ఇబ్రహీం రైసీతో పాటు, ఇరాన్ విదేశాంగ శాఖ మంత్రి హొస్సైన్ అమీరబ్దుల్లాహియాన్, ఈస్ట్ అజర్బైజాన్ ప్రావిన్స్ గవర్నర్, వారి భద్రత సిబ్బంది ఉన్నారు.
దట్టమైన పొగమంచు వల్ల ఈ ప్రమాదం సంభవించినట్లు ఇరాన్ హోం మంత్రి అహ్మద్ వహీదీ తెలిపారు. పొగమంచు, ప్రతికూల వాతావరణాన్ని దృష్టిలో ఉంచుకుని పైలెట్.. హెలికాప్టర్ను ల్యాండ్ చేయడానికి ప్రయత్నించారని పేర్కొన్నారు. ఈ ఘటనలో ఎంతమంది జీవించి ఉన్నారనేది ఇప్పుడే వెల్లడించలేమని చెప్పారు.
BREAKING: Drone video suggests Iranian president's helicopter completely destroyed pic.twitter.com/s2lpARZTK9
— BNO News (@BNONews) May 20, 2024
ఇరాన్-అజర్బైజాన్ సరిహద్దుల్లో విసర్తించి ఉన్న డిజ్మర్ అడవుల మధ్య ప్రమాదం సంభవించడం వల్ల సహాయక, భద్రత సిబ్బంది వెంటనే సంఘటన స్థలానికి చేరుకోలేకపోతున్నారు. హెలికాప్టర్ ప్రమాదానికి గురైన స్థలాన్ని ఖచ్చితంగా అంచనా వేయలేకపోతున్నారు. ఫలితంగా సహాయక చర్యల్లో తీవ్ర జాప్యం నెలకొంది.
Following detection by Akinci UAV, Iranian Red Crescent announces they have found location of wreckage of President Raisi's helicopter and that 2 km is left to reach it pic.twitter.com/Z6OekpcBzp
— Anadolu English (@anadoluagency) May 20, 2024
కాగా- హెలికాప్టర్ కుప్పకూలిన ప్రదేశాన్ని గుర్తించినట్లు రెడ్ క్రీసెంట్ ప్రకటించింది. దీనికి సంబంధించిన కొన్ని విజువల్స్ను అనడోలు న్యూస్ ఏజెన్సీ విడుదల చేసింది. అకిన్సీ యూఏవీ డ్రోన్ దీన్ని గుర్తించినట్లు తెలిపింది. సంఘటన స్థలానికి చేరుకోవడానికి ఇంకో అరగంట సమయం పట్టొచ్చని అంచనావేసింది.
Click it and Unblock the Notifications
Sign in with Google