ఇంత పొట్టి ఆవును మీరెప్పుడైనా చూశారా?
బంగ్లాదేశ్లో ప్రస్తుతం 'రాణి' ఓ సెలబ్రిటీ అయిపోయింది. రాణిని చూడ్డానికి, పక్కనే నిల్చుని ఫొటోలు దిగడానికి వివిధ ప్రాంతాల నుంచి జనం తరలివస్తున్నారు.
రాణి అంటే మరెవరో కాదు. అదొక 'భుట్టి ఆవు. అంటే భూటాన్ జాతి ఆవు. దాని వయసు రెండు సంవత్సరాలు. ఎత్తు కేవలం 51 సెం.మీ, బరువు 28 కిలోలు. ప్రస్తుతం రాణి బంగ్లాదేశ్ రాజధాని ఢాకాకు దగ్గర్లో ఉన్న చారీగ్రామ్లోని ఒక ఫామ్ హౌస్లో ఉంది.
బంగ్లాదేశ్లో కరోనా నిబంధనలు ఉన్నప్పటికీ, 15వేల మందికి పైగా జనం రాణిని చూడ్డానికి వచ్చారని స్థానిక మీడియా తెలిపింది.
ఈ ఫామ్ మేనేజర్ హసన్ హోలాదార్, రాణి పేరును గిన్నిస్ బుక్ ఆఫ్ వరల్డ్ రికార్డ్స్కు పంపారు. రాణి ప్రపంచంలోనే అతి చిన్న ఆవు అని ఆయన అంటున్నారు.
"నా జీవితంలో ఇలాంటి వింత చూడలేదు" అని ఈ బుజ్జి ఆవును చూడ్డానికి వచ్చిన రీనా బేగం బీబీసీతో అన్నారు.
ఎలా వచ్చింది?
బంగ్లాదేశ్లోని నౌగావ్ జిల్లాలోని ఒక ఫామ్ నుంచి కిందటి ఏడాది హసన్ హోలాదార్ రాణిని తీసుకువచ్చారు.
"రాణికి నడవడంలో కాస్త ఇబ్బంది ఉంది. అందుకే ఫామ్లో మిగతా ఆవులతో కాకుండా విడిగా ఉంచుతున్నాం. పెద్ద ఆవులు దానికి హాని కలిగిస్తాయేమోనని మాకు భయమేస్తుంటుంది" అని హసన్ హోలాదార్ చెప్పారు.
"రాణి పెద్దగా తినదు కూడా. కొంచం గడ్డి తింటే చాలు దాని కడుపు నిండిపోతుంది. దాన్ని వ్యాహ్యాళికి బయటకి తీసుకెళితే చాలా సంతోషంగా గంతులు వేస్తుంది. కానీ దాన్ని ఎవరైనా చేతుల్లోకి ఎత్తుకుంటే మాత్రం దానికి నచ్చదు" అన్నారాయన.
- 70 బెంగాల్ పులులను చంపిన వేటగాడు 20 ఏళ్ల తర్వాత దొరికాడు
- మనుషుల్లా కాకుండా భిన్నంగా శ్వాస తీసుకునే జంతువుల గురించి మీకు తెలుసా?
వరల్డ్ రికార్డు అవుతుందా?
ఇప్పటి వరకు ప్రపంచంలో అతి చిన్న ఆవుగా భారత దేశానికి చెందిన 'మాణిక్యం' గుర్తింపు పొందింది. ఈ ఆవు ఎత్తు 61.1 సెం.మీ. మాత్రమే.
ఈ సంవత్సరమే గిన్నిస్ బుక్ ఆఫ్ వరల్డ్ రికార్డ్స్ బృందం రాణిని చూడ్డానికి వస్తారని, "ప్రపంచంలోనే అత్యంత చిన్న ఆవు" అనే గుర్తింపు రాణికి ఇవ్వాలో, వద్దో నిర్ణయిస్తారని హసన్ హోలాదార్ చెప్పారు.
ముస్లింల పండుగ ఈద్ దగ్గర్లోనే ఉండడంతో రాణిని బలి కోసం అమ్మేస్తారేమోనని కొందరు ఆందోళన వ్యక్తం చేశారు. అయితే, తనకు అలాంటి ఉద్దేశాలేమీ లేవని హసన్ స్పష్టం చేశారు.
ఇవి కూడా చదవండి:
- పులి, మేకల మధ్య స్నేహ బంధం ఎలా సాధ్యం? వైరి జంతువుల మధ్య మితృత్వం వెనుక రహస్యం ఏమిటి?
- ఈ పెంగ్విన్లు గులకరాళ్లతో 'ఐ లవ్ యూ' చెబుతాయి
- మనుషుల్లా కాకుండా భిన్నంగా శ్వాస తీసుకునే జంతువుల గురించి మీకు తెలుసా?
- అనంతపురం విషపు సాలీడు ఎందుకు అంతరించిపోతోంది
- సింగపూర్లో మిగిలిన ఒకే ఒక గ్రామం... దాన్ని కాపాడుతున్నదెవరు?
- రాజులు మెచ్చిన ఈ పండు అకస్మాత్తుగా ఎలా కనుమరుగైంది
- సముద్ర తీరంలో మంచు బంతులు.. ఎలా వచ్చాయంటే..
- మనుషులను చంపే జంతువుల విషాలు.. ప్రాణాలూ కాపాడతాయి కూడా.. అవేమిటో తెలుసా?
- అంటార్కిటికా: దక్షిణ ధ్రువం ఎవరికి చెందుతుంది? తమదంటే తమదని చాలా దేశాలు ఎందుకు వాదిస్తున్నాయి?
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)