అమెరికా అధ్యక్ష బాధ్యతలు తీసుకోనున్న కమలా హ్యారీస్: కారణం ఇదే

వాషింగ్టన్: అమెరికా అధ్యక్ష బాధ్యతలను తాత్కాలికంగా స్వీకరించనున్నారు ఉపాధ్యక్షురాలు కమలా హ్యారీస్. అమెరికా అధ్యక్షుడు జో బైడెన్ సాధారణ ఆరోగ్య పరీక్షల్లో భాగంగా కొలొనోస్కోపీ కోసం అనస్థీషియాలో ఉన్నారని వైట్ హౌస్ తెలిపింది. ఈ క్రమంలోనే కమలా హ్యారీస్ తాత్కాలికంగా అమెరికా అధ్యక్ష బాధ్యతను నిర్వహించనున్నారు.

తన బాధ్యతలను బైడెన్ తాత్కాలికంగా ఉపాధ్యక్షురాలికి బదిలీ చేయనున్నారు. పెద్ద పేగుకు సంబంధించిన బైడెన్‌కు ప్రతియేటా కొలనోస్కోపీ పరీక్ష నిర్వహిస్తారు. ఆ సమయంలో ఆయనకు మత్తుమందు ఇస్తారు. బైడెన్ అధ్యక్ష పదవి చేపట్టిన తర్వాత కొలనోస్కోపీ చేయించుకోవడం ఇదే తొలిసారి. అందువల్లే ఈ సమయంలో కమలా హారీస్ కు తాత్కాలిక అధ్యక్ష బాధ్యతలు అప్పగించనున్నట్లు వైట్‌హౌస్ తెలిపింది.

రాజ్యాంగంలో నిర్దేశించిన ప్రక్రియను అనుసరించి అధ్యక్షుడు బైడెన్ అనష్టీసియాలో ఉన్న కొద్ది కాలం పాటు ఉపాధ్యక్షురాలికి అధికారాన్ని బదిలీ చేస్తారని వైట్ హౌస్ ప్రతినిధి జెస్ సాకీ ఓ ప్రకటనలో పేర్కొన్నారు. కాగా, ఇదే తరహాలో మాజీ అధ్యక్షుడు జార్జ్ బుష్ కొలనోస్కోపీ పరీక్షల కోసం 2002, 2007లో తన అధికారాన్ని ఉపాధ్యక్షుడికి బదిలీ చేశారు.

సెప్టెంబర్ నెలలో జో బైడెన్ వ్యాక్సిన్ తీసుకున్నారు. ఆయన స్కోకింగ్ చేయరు. మద్యం కూడా సేవించారు. కాగా, ఈ శనివారం(నంబర్ 20) న జో బైడెన్ 79వ పుట్టిన రోజు జరుపుకోనుండటం గమనార్హం.

English summary

Kamala Harris To Become US President Briefly As Biden Undergoes A Colonoscopy.