Iran-US talks: 30 నిమిషాల్లో ట్రంప్ కు ఖమేనీ 3 వార్నింగ్ లు..!

గతేడాది ఇజ్రాయెల్-ఇరాన్ (israel-iran war) మధ్య తలెత్తిన ఉద్రిక్తతల్లో తలదూర్చి చేతులు కాల్చుకున్న అమెరికా (US)అధ్యక్షుడు డొనాల్డ్ ట్రంప్ (Donald trump) మరోసారి చర్చల పేరుతో ఖమేనీ (khamenei) ప్రభుత్వం దూకుడుకు కళ్లెం వేసేందుకు ప్రయత్నిస్తున్నారు. ఇందులో భాగంగా ఇరాన్ (iran) అణ్వస్త్ర కార్యక్రమం కట్టడికి చర్చల పేరుతో ప్రస్తుతం ఇరువర్గాల ప్రతినిధులు జెనీవాలో సమావేశమయ్యారు. ఇంత కీలక సమయంలో ట్రంప్ చేస్తున్న హెచ్చరికలకు 30 నిమిషాల వ్యవధిలో ఖమేనీ 3 ఘాటు కౌంటర్లు ఇచ్చారు.

The US President has said that for 47 years, the United States hasn't been able to eliminate the Islamic Republic. That is a good confession. I say, " You, too, will not be able to do this."

— Khamenei.ir (@khamenei_ir) February 17, 2026

ట్రంప్ కు ఖమేనీ మూడు హెచ్చరికలు (khamenei)

ఈ చర్చలకు ముందు ఇరాన్ తో చర్చలు ఫలిస్తాయని తాము ఆశిస్తున్నట్లు ట్రంప్ ప్రకటించారు. కానీ చర్చలు ప్రారంభమైన తర్వాత ఖమేనీ అందుకు భిన్నంగా తీవ్రంగా స్పందించారు. ఎక్స్ వేదికగా ట్రంప్ కు అరగంటలో మూడు వేర్వేరు అంశాలపై హెచ్చరికలు పంపారు. ఇందులో అమెరికా సైనిక శక్తితో పాటు ఇరాన్ సమీపంలో పెరుగుతున్న అమెరికా ఉనికిని కూడా ప్రస్తావిస్తూ ఖమేనీ హెచ్చరికలు చేశారు.

The Americans constantly say that they’ve sent a warship toward Iran. Of course, a warship is a dangerous piece of military hardware. However, more dangerous than that warship is the weapon that can send that warship to the bottom of the sea.

— Khamenei.ir (@khamenei_ir) February 17, 2026

47 ఏళ్లుగా చేయలేనిది, ఇప్పుడు చేస్తారా ?

ఇందులో ముందుగా ఇరాన్‌పై అమెరికా ఒత్తిడి గురించి ట్రంప్ గతంలో చేసిన వ్యాఖ్యలను ప్రస్తావిస్తూ... ఖమేనీ.. 47 సంవత్సరాలుగా అమెరికా ఇస్లామిక్ రిపబ్లిక్‌ను నిర్మూలించలేకపోయిందని అమెరికా అధ్యక్షుడు అన్నారని, అది మంచి ఒప్పుకోలే అన్నారు. మీరు కూడా ఆ పని చేయలేరన్నారు. అలాగే అమెరికా సైనిక ఆధిపత్యాన్ని ఖమేనీ ప్రశ్నించారు. ప్రపంచంలోనే అత్యంత బలమైన సైనిక శక్తి తమ వద్ద ఉందని అమెరికా అధ్యక్షుడు చెబుతూనే ఉన్నారని, ప్రపంచంలోనే అత్యంత బలమైన సైనిక శక్తి సైతం కొన్నిసార్లు చాలా తీవ్రంగా దెబ్బతింటుందని, అది మళ్లీ లేవదని తేల్చేశారు.

The US President keeps saying that they have the strongest military force in the world. The strongest military force in the world may at times be struck so hard that it cannot get up again.

— Khamenei.ir (@khamenei_ir) February 17, 2026

మీ యుద్దనౌకల కంటే మా ఆయుధాలే..!

అమెరికన్ నావికా దళాలను చేసిన మూడో హెచ్చరికలో ఖమేనీ.. ఇరాన్ వైపు యుద్ధనౌకను పంపామని అమెరికన్లు నిరంతరం చెబుతారని, వాస్తవానికి, యుద్ధనౌక ప్రమాదకరమైన సైనిక హార్డ్‌వేర్ అని తెలిపారు. అయితే ఆ యుద్ధనౌక కంటే ప్రమాదకరమైనది దాన్ని సముద్రపు అడుగుభాగానికి పంపగల ఆయుధమన్నారు. తద్వారా తమ ఆయుధాలు మీ యుద్ధ నౌకల కంటే గొప్పవని ట్రంప్ కు తేల్చిచెప్పేశారు.