స్టన్నింగ్ వీడియో: అగ్నిపర్వతం బద్ధలైంది.. 1500 అడుగుల మేర ఎగసిపడుతున్న లావా

అమెరికాకు చెందిన హవాయి ద్వీపంలోని కిలోవేయ అగ్నిపర్వతం మరోసారి బద్ధలైంది. 1500 అడుగుల మేర లావా ఎగిసిపడుతోంది. అగ్ని పర్వతం నుంచి లావా పెద్ద ఎత్తున ఉబికి బయటకు వస్తోంది. హవాయిలోని అత్యంత క్రియాశీలకమైన ఈ అగ్నిపర్వతం బద్ధలు కావడం ఇది 40 వ సారి. జనవరి 12 న ఈ అగ్నిపర్వతం బద్ధలైనట్లు అధికారులు పేర్కొన్నారు. పరిస్థితిని ఎప్పటికప్పుడు పర్యవేక్షిస్తున్నట్లు తెలిపారు. 2024 డిసెంబర్ నుంచి ఇప్పటి వరకూ ఈ అగ్నిపర్వతం దాదాపు 40 సార్లు విస్పోటనం చెందినట్లు స్పష్టం అవుతోంది.

అమెరికాకు చెందిన హవాయి ద్వీపంలో ప్రపంచంలోనే అత్యంత క్రియాశీలక అగ్నిపర్వతాల్లో ఒకటైన కిలోవేయ తాజాగా మరోసారి బద్ధలైంది. ఈ అగ్నిపర్వతం బద్దలు కావడంతో దాదాపు 15 వందల అడుగుల ఎత్తు వరకూ లావా ఎగిసి పడుతోంది. లావా నుంచి ఉబికి వస్తున్న నిప్పు కణికలు 20 వేల అడుగుల వరకూ విస్పోటనం చెందుతున్నాయి. జనవరి 12 న దాదాపు 10 గంటల పాటు ఈ విస్పోటనం చెందినట్లు అధికారులు తెలిపారు. అగ్నిపర్వతం నుంచి స్మాగ్, గ్యాస్ బయటకు వస్తున్నట్లు తెలిపారు. పరిస్థితిని ఎప్పటికప్పుడు పర్యవేక్షిస్తున్నట్లు వివరించారు.

🚨Profilo:Kīlauea volcano erupts in Episode 40—sustained lava fountains soar over 660 feet at the summit, tephra blankets crater rims, and a gas plume rises more than 13,000 feet above Hawaii.@USGSVolcanoes @Hawaii_EMA pic.twitter.com/knQIkm58yA

— Kingsley Chukwuka (@profilopolitics) January 13, 2026

హవాయిలోని కిలోవేయ అగ్నిపర్వతం గతేడాది నుంచి క్రమం తప్పకుండా విస్పోటనం చెందుతున్నట్లు యూఎస్ జియోలాజికల్ సర్వే ధ్రువీకరించింది. ప్రస్తుతం ఈ లావా విస్పోటనానికి సంబంధించిన దృశ్యాలు సామాజిక మాధ్యమాల్లో వైరల్ అవుతున్నాయి. ఇందుకు సంబంధించిన వీడియోని యూఎస్ జియోలాజికల్ సర్వే సోషల్ మీడియాలో పోస్టు చేసింది. దాదాపు 10 గంటల పాటు అగ్నిపర్వతం నుంచి లావా ఉబికి వచ్చినట్లు అధికారులు పేర్కొన్నారు. అగ్నిపర్వతం బద్ధలైనప్పుడు వచ్చే గ్యాస్.. వాతావరణంలో కలిసి శ్వాసకోశ ఇబ్బందులతో పాటుగా ఇతర అనారోగ్య సమస్యలకు కారణం అయ్యే ప్రమాదం ఉన్నట్లు అధికారులు అంచనా వేస్తున్నారు.

గతేడాది డిసెంబర్ లోనూ కిలోవేయ అగ్నిపర్వతం బద్ధలైంది. దాదాపు వంద అడుగుల ఎత్తు వరకు లావా ఎగిసిపడింది. అగ్నిపర్వతం నుంచి పెద్ద ఎత్తున లావా ఉబికి వచ్చింది.