మహిళతో స్టెప్పులేస్తూ దొరికిపోయిన ముషార్రఫ్

ముషార్రఫ్ ఓ ఓ మహిళతో హిందీ సినిమా పాటలకు స్టెప్పులేస్తూ దొరికిపోయారు. ఆ వీడియో ఇప్పుడు వైరల్ అవుతోంది.

న్యూఢిల్లీ: పాకిస్థాన్ మాజీ అధ్యక్షుడుపర్వేజ్ ముషారఫ్ ఓ మహిళతో స్టెప్పులేస్తూ అడ్డంగా దొరికిపోయారు. గుర్తు తెలియని మహిళతో కలిసి బాలీవుడ్ సినిమా 'యే జవానీ హై దీవానీ' సినిమాలోని 'దిల్లీ వాలీ గర్ల్‌ఫ్రెండ్' పాటకు ఓ నైట్‌క్లబ్‌లో స్టెప్పు లేశారు.

పాకిస్థాన్‌లో విశేష ప్రజాదరణ పొందిన టెలివిజన్ టాక్‌షోకు వ్యాఖ్యాతగా వ్యవహరించే హమిద్ మిర్ ఈ వీడియోను ట్వీట్ చేశారు. ఇప్పుడు ఆ వీడియో సోషల్ మీడియాలో వైరల్ అయింది. కాగా మిర్ గత సెప్టెంబరులోనూ ఓ వీడియోను పోస్టు చేశారు. అందులో ముషారఫ్ తన భార్య సెహ్‌బా ముషారఫ్‌తో కలిసి ఓ పార్టీలో చిందులేశారు.

నవంబరు 2007లో దేశంలో అత్యవసర స్థితి విధించి, న్యాయమూర్తులను అరెస్ట్ చేయడంతోపాటు వారి అధికారాలను పరిమితం చేసిన కేసులో ముషారఫ్ రాజద్రోహం కేసును ఎదుర్కుటున్నారు. అతడి పేరును ప్రభుత్వం 'ఎగ్జిట్ కంట్రోల్ లిస్ట్'లో చేర్చింది.

గత 20 నెలలుగా ఆ జాబితాలో ఉన్న మాజీ అధ్యక్షుడి పేరును నిరుడు మార్చిలో తొలగించడంతో ముషారఫ్ చికిత్స నిమిత్తం దుబాయ్ వెళ్లారు. ప్రస్తుతం ఆయన అక్కడే ఉన్నారు.

English summary

Pakistan ex president Parvez Musharraff has danced with a girl in a night club. the video is going viral in social media.