మిస్ యూనివర్స్ 2022 విజేతగా మిస్ యూఎస్ఏ ఆర్ బోనీ గాబ్రియేల్
వాషింగ్టన్: మిస్ యూనివర్స్ కిరీటం అమెరికా వశమైంది. అమెరికాకు చెందిన ఆర్ బోనీ గాబ్రియేల్.. మిస్ యూనివర్స్ 2022 టైటిల్ దక్కించుకున్నారు. ఈమె మిస్ యూఎస్ఏ కావడం గమనార్హం. కాగా, మాజీ విశ్వసుందరి హర్నాజ్ సంధు.. మిస్ యూనివర్స్ కిరీటాన్ని బోనీకి అలంకరించి శుభకాంక్షలు తెలిపారు.
ఈ పోటీల్లో మిస్ వెనిజుల అమందా దుదామెల్ మొదటి రన్నరప్ గా నిలవగా, మిస్ డొమినికన్ రిపబ్లిక్ ఆండ్రీనా మార్టినెజ్ సెకండ్ రన్నరప్గా నిలిచారు. మిస్ యూనివర్స్ విజేతలకు ప్రముఖుల నుంచి శుభాకాంక్షలు వెల్లువెత్తాయి. అమెరికా లూసియానాలోని న్యూ ఓర్లిన్స్ వేదికగా జరిగిన ఈ పోటీల్లో దాదాపు 80 మందికిపైగా దేశాలకు చెందిన అందాల భామలు పోటీపడ్డారు. మనదేశం తరపున ఈ పోటీల్లో పాల్గొన్న దివితా రాయ్.. టాప్-5లోకి కూడా అడుగుపెట్టకపోవడం భారత అభిమానులకు కొంత నిరాశ కలిగించింది.
కాగా, గాబ్రియేల్ అనేక పోటీల్లో విజేతగా నిలిచారు. పలు రంగాల్లోనూ నైపుణ్యత కలిగిన వ్యక్తి. ఆమె ఫ్యాషన్ డిజైనర్, మోడల్, కుట్టు శిక్షకురాలు, జీవితం పట్ల అభిరుచి కలిగి ఉన్నారు.
హైస్కూల్లో ఉన్నప్పుడు, ఆమె ఫ్యాబ్రిక్స్, టెక్స్టైల్స్తో డిజైన్లను రూపొందించడం మొదలుపెట్టారు. యూనివర్శిటీ ఆఫ్ నార్త్ టెక్సాస్లో, ఆమె 2018లో ఫైబర్స్లో మైనర్తో ఫ్యాషన్ డిజైన్లో బ్యాచిలర్ డిగ్రీని పొందారు. ప్రస్తుతం ఆమె తన స్వంత స్థిరమైన దుస్తుల శ్రేణి ఆర్'బోనీ నోలాకి సీఈవోగా ఉన్నారు. సమాజంలో నిరాధారణకు గురైన మహిళల అభివృద్ధి కోసం తాను తన చివరి వరకు కృషి చేస్తానని గాబ్రియేల్ స్పష్టం చేశారు.
Click it and Unblock the Notifications
Sign in with Google