చంద్రుడిపై రష్యా లూనా 25 కూలిన ప్రాంతమిదే-ఫొటోలు విడుదల చేసిన నాసా..

చంద్రుడి రహస్యాలు తెలుసుకునేందుకు భారత్ చంద్రయాన్ 3 ప్రయోగిస్తుందని తెలియగానే హడావిడిగా తామూ ఓ అంతరిక్ష నౌకను తయారు చేసి చంద్రయాన్ కంటే వేగంగా ప్రయోగించేందుకు ప్రయత్నించి రష్యా విఫలమైంది. లూనా 25 పేరుతో రష్యా ప్రయోగించిన అంతరిక్ష నౌక మన చంద్రయాన్ 3 కంటే ముందే చంద్రుడి దక్షిణ ధృవంపై అడుగుపెడుతుందని భావించగా.. అది కాస్తా రెండు రోజుల ముందే కుప్పకూలింది. దీంతో రష్యా అంతరిక్ష సంస్ధ రాస్ కాస్మోస్ కు నిరాశ తప్పలేదు.

చంద్రుడి ఉపరితలంపై దిగే క్రమంలో రష్యా అంతరిక్ష నౌక లూనా 25 ఇంజన్ వైఫల్యం ఎదుర్కోవడంతో కుప్పకూలింది. దీంతో భారత్ ప్రయోగించిన చంద్రయాన్ 3 కంటే ముందు చంద్రుడిపై అడుగుపెట్టాలన్న రష్యా కల నెరవేరలేదు. చివరకు చేసేది లేక ఆ నౌకను అక్కడి నుంచి వేరే ప్రాంతానికి తరలించేసింది. ఆ తర్వాత భారత్ ప్రయోగించిన చంద్రయాన్ 3 సక్సెస్ కావడంతో రష్యా అంతరిక్ష సంస్ధ రాస్ కాస్మోస్ తో పాటు రష్యా అధ్యక్షుడు వ్లాదిమీర్ పుతిన్ కూడా భారత్ ను అభినందించారు.

అయితే చంద్రుడి దక్షిణ ధృవంపైకి రష్యా ప్రయోగించిన లూనా-25 నౌక కుప్పకూలిన చోటును తాజాగా నాసా గుర్తించింది. ఇది చంద్రుడిపై బోగుస్లావ్‌స్కీ బిలం సమీపంలో చంద్ర దక్షిణ ధ్రువం దగ్గర దిగాలని ప్లాన్ చేసి విఫలమైంది. దీంతో ఆ ప్రయోగం తర్వాత ఈ ప్రాంతాన్ని గుర్తించిన నాసా తాజాగా దాని ఫొటోల్ని విడుదల చేసింది. నాసా విడుదల చేసిన రెండు ఫొటోల్లో లూనా 25 కుప్పకూలిన ప్రాంతంలో అక్కడక్కడా గుంతలు పడినట్లు తెలుస్తోంది.

NASA has released a Set of Images showing the Crash Site of the Luna-25 Moon Lander of the Russian Space Corporation, Roscosmos which Crashed on the South Pole of the Moon after an Engine Failure on August 19th. pic.twitter.com/UsSrq0jCXt

— OSINTdefender (@sentdefender) September 1, 2023

నాసా యొక్క లూనార్ రికనైసెన్స్ ఆర్బిటర్ (LRO) చంద్రునిపై ఓ బిలం కొత్త చిత్రాన్ని తన కెమెరాలో బంధించింది. ఇది రష్యా యొక్క లూనా 25 మిషన్ వైఫల్యం యొక్క ఫలితం అని భావిస్తున్నారు. లూనా 25 మిషన్ దాని అవరోహణ సమయంలో ఓ సాంకేతిక సమస్యను ఎదుర్కొంది. దీని వలన అది చంద్రుని ఉపరితలంపై ప్రభావం చూపింది. LRO బృందం కొత్తగా ఏర్పడిన బిలం సహజంగా సంభవించే దాని కంటే ఈ ప్రభావం యొక్క ఫలితం అని నమ్ముతోంది.

English summary

Nasa orbiter found Russia's Luna-25 crash site on Moon and released photos