White House on Iran War: ఇరాన్ యుద్దంపై వైట్ హౌస్ సంచలన ప్రకటన..!

ఈ ఏడాది ఫిబ్రవరి 28న అమెరికా-ఇజ్రాయెల్ సంయుక్తంగా ఇరాన్ పై ప్రారంభించిన యుద్దం (Iran War) అధికారికంగా ముగిసింది. ఈ సైనిక చర్య కొనసాగింపు కోసం ట్రంప్ కు అమెరికా యుద్ద అధికారాల చట్టం ఇచ్చిన 60 రోజుల గడువు ముగిసింది. దీంతో యుద్దం ముగిసినట్లు ప్రకటిస్తారా లేక యుద్ధాన్ని కొనసాగిస్తారా అన్న ఉత్కంఠ మధ్య వైట్ హౌస్ (White House) కీలక ప్రకటన చేసింది. ఇరాన్ తో యుద్దం ముగిసినట్లు సంచలన ప్రకటన చేసింది.

రెండు నెలలుగా సాగుతున్న ఇరాన్ యుద్ధంపై కాంగ్రెస్‌కు నివేదించడానికి చట్టపరమైన గడువు నిన్న ముగియడంతో, టెహ్రాన్‌తో కాల్పుల విరమణ ఒప్పందం శత్రుత్వాన్ని ముగించిందని అమెరికా అధ్యక్షుడు డొనాల్డ్ ట్రంప్ ప్రభుత్వం తెలిపింది. 1973 యుద్ధ అధికారాల తీర్మానం ప్రకారం, అధ్యక్షుడు కేవలం 60 రోజుల పాటు మాత్రమే సైనిక చర్యను కొనసాగించగలరు. ఆ తర్వాత, దళాలను ఉపసంహరించుకునేటప్పుడు అమెరికా సాయుధ దళాల భద్రతకు సంబంధించిన అనివార్య సైనిక అవసరం కారణంగా కాంగ్రెస్ అనుమతి కోరడం 30 రోజుల పొడిగింపును అభ్యర్థించడం ద్వారా దానిని ముగించవచ్చు.

శుక్రవారం అమెరికాతో చర్చల కోసం ఇరాన్ తన తాజా ప్రతిపాదనను పాకిస్తానీ మధ్యవర్తులకు పంపిందని ప్రభుత్వ వార్తా సంస్థ ఐఆర్ఎన్ఏ తెలిపింది. అయితే ట్రంప్ ఇరాన్ చేస్తున్న ప్రతిపాదనల్ని అంగీకరించలేదు. ఇందులో ముఖ్యంగా ఇరాన్ అణ్వాయుధాలు అభివృద్ధి చేసుకునే హక్కు ఉందన్న వాదనను ట్రంప్ తోసిపుచ్చుతున్నారు. ఈ నేపథ్యంలో ఇరాన్ యుద్దం గడువును ట్రంప్ పొడిగిస్తారని అంతా భావించారు. యుద్ధ అధికారాల చట్టం గడువు వర్తించదని తమ ప్రభుత్వం భావిస్తున్నట్లు ట్రంప్ ప్రభుత్వంలోని ఒక సీనియర్ అధికారి కూడా ఈ మధ్యే తెలిపారు. కానీ ఇప్పుడు యుద్దం ముగిసిందని ప్రకటించడం విశేషం.