లక్షల జాబ్స్.. నిరుద్యోగులకు ఉద్యోగాలపై శుభవార్త చెప్పిన రేవంత్ సర్కార్!
తెలంగాణ రాష్ట్రంలో ప్రస్తుత కాంగ్రెస్ ప్రభుత్వం తెలంగాణ అభివృద్ధి పైన ఫోకస్ చేస్తుంది. ఈ మేరకు తాజాగా జరిగిన తెలంగాణ రైజింగ్ గ్లోబల్ సమ్మిట్ లో భారత్ ఫ్యూచర్ సిటీ అభివృద్ధికి ప్రణాళికలను సైతం ప్రకటించింది. ఇదే సమయంలో నిరుద్యోగులకు కూడా శుభవార్త చెప్పింది తెలంగాణ సర్కార్.
మూడు ట్రిలియన్ డాలర్స్ తెలంగాణ భారత్ ఫ్యూచర్ సిటీ
భారత్ ఫ్యూచర్ సిటీ అభివృద్ధి ప్రణాళికలను ప్రకటించిన ప్రభుత్వం 13,500 ఎకరాలలో అంతర్జాతీయ, దేశీయ పెట్టుబడులను ఆకర్షించే లక్ష్యంతో, అద్భుతమైన మౌలిక సదుపాయాలతో, జీరో కార్బన్ సిటీగా భారత్ ఫ్యూచర్ సిటీ రూపుదిద్దుకుంటుందని వెల్లడించింది. మూడు ట్రిలియన్ డాలర్స్ తెలంగాణ భారత్ ఫ్యూచర్ సిటీ అనే అంశం పైన మాట్లాడిన మంత్రి శ్రీధర్ బాబు ఈ ప్రణాళికలను వెల్లడించారు.
13 లక్షల మందికి ఉద్యోగ, ఉపాధి అవకాశాలు
భారత్ ఫ్యూచర్ సిటీ నగరం ఆరు అర్బన్ జిల్లాలుగా రూపుదిద్దుకుంటుందని చెప్పిన శ్రీధర్ బాబు ఆర్టిఫిషియల్ ఇంటెలిజెన్స్, హెల్త్ సిటీ, ఎంటర్టైన్మెంట్ క్రీడలు, డేటా సెంటర్లు, అంతర్జాతీయ ఉన్నత విద్యా సంస్థల కోసం ప్రత్యేకంగా ఈ ఆరు జిల్లాలను నెలకొల్పనున్నట్టు చెప్పారు. దీంట్లో మొత్తం 13 లక్షల మందికి ఉద్యోగ, ఉపాధి అవకాశాలు లభిస్తాయని ధీమా వ్యక్తం చేశారు.
నిరుద్యోగులకు తీపి కబురు
ఈ వార్త ప్రస్తుతం తెలంగాణ రాష్ట్రంలో నిరుద్యోగులకు తీపి కబురుగా మారింది. దాదాపు తొమ్మిది లక్షల మంది జనాభా కోసం నివాస గృహ సముదాయాలను కూడా నిర్మిస్తామని, వీటిని నిర్మాణ రంగ నిపుణులు అభివృద్ధి చేస్తారని చెప్పడం, ఎంతోమందికి ఉపాధి అవకాశాలను కల్పిస్తుందని చెప్పడానికి అవకాశం ఇచ్చింది.
త్వరలోనే స్కిల్ యూనివర్సిటీ.. యువత భవిష్యత్ కు భరోసా
మొత్తంగా తాజాగా తెలంగాణ ప్రభుత్వం భారత్ ఫ్యూచర్ సిటీ ఏర్పాటుతో తీసుకున్న నిర్ణయం తెలంగాణ రాష్ట్రంలోని నిరుద్యోగ యువతకు ఉద్యోగ భరోసా కల్పిస్తుంది అన్న అభిప్రాయం సర్వత్ర వ్యక్తమౌతుంది. మరో నెల రోజుల్లో యంగ్ ఇండియా స్కిల్ యూనివర్సిటీ కార్యక్రమాలు కూడా ప్రారంభమవుతాయని ఇటీవల ప్రకటించడం కూడా యువతకు సంతోషాన్ని కలిగించింది. ఏది ఏమైనా యువత భవిష్యత్తును దృష్టిలో పెట్టుకుని తెలంగాణ ప్రభుత్వం తీసుకున్న నిర్ణయం వీరి ఉద్యోగ, ఉపాధి అవకాశాల కల్పనకు దోహదం చేస్తే బావుంటుంది అన్న అభిప్రాయం వ్యక్తం అవుతుంది.
Click it and Unblock the Notifications
Sign in with Google