ప్రేమపెళ్లి: కొత్తజంటను వెంటాడిని ఫ్యామిలీ, స్నేహితుడు మృతి, అమ్మాయి ఆవేదన

Updated: Wednesday, September 5, 2018, 13:10 [IST]

ఖమ్మం: జిల్లాలోని గోపాలపురం దగ్గర రోడ్డు ప్రమాదం సంభవించింది. అదుపుతప్పిన కారు చెట్టును ఢీకొట్టింది. ఈ ప్రమాదంలో డ్రైవర్‌ మృతి చెందగా, ప్రేమజంటకు తీవ్ర గాయాలయ్యాయి. రహస్యంగా ప్రేమజంట పెళ్లి చేసుకుని పారిపోతుండగా ఈ ఘటన చోటుచేసుకుంది.

గాయపడ్డ వారిని ఆస్పత్రికి తరలించారు. ప్రమాద సమాచారం అందుకున్న పోలీసులు ఘటనాస్థలానికి చేరుకుని మృతదేహాన్ని పరిశీలించారు. పోస్టుమార్టం నిమిత్తం మృతదేహాన్ని ఏరియా ఆస్పత్రికి తరలించారు. కేసు నమోదు చేసుకుని విచారణ జరుపుతున్నారు.

ప్రాణహాని ఉందని..

ఆస్పత్రిలో నవవధువు సుమ తెలిపిన వివరాల ప్రకారం.. తాము(సుమ-తరుణ్) వివాహం చేసుకోవడం తమ కుటుంబసభ్యులకు ఇష్టం లేదని చెప్పింది. అందుకే తాము పారిపోయి వివాహం చేసుకున్నామని, తమ కుటుంబసభ్యుల నుంచి ప్రాణహాని ఉందని పోలీసులకు ఫిర్యాదు కూడా చేశామని తెలిపింది.

వెంటాడారు

తాము భద్రాచలంలో వివాహం చేసుకుని కారులో హైదరాబాద్ వెళుతుండగా తమ కుటుంబసభ్యులు మరో వాహనంలో తమ వెంటపడ్డారని, తాము తమ వాహనం ఆపకపోవడంతో వారి వాహనంతో ఢీకొట్టించారని చెప్పింది.