కామాంధుడు: తల్లితో సహజీవనం చేస్తూ.. నెల రోజులుగా కూతురిపై రేప్
హైదరాబాద్ నగరంలోని నేరేడ్మెట్లో దారుణం చోటు చేసుకుంది. ఒంటరిగా ఉన్న మహిళకు మాయమాటలు చెప్పి లొంగదీసుకున్న ఓ కామాంధుడు.. ఆమెతో సహజీవనం చేస్తూనే ఆమె కూతురిపై కన్నేశాడు.
హైదరాబాద్: నగరంలోని నేరేడ్మెట్లో దారుణం చోటు చేసుకుంది. ఒంటరిగా ఉన్న మహిళకు మాయమాటలు చెప్పి లొంగదీసుకున్న ఓ కామాంధుడు.. ఆమెతో సహజీవనం చేస్తూనే ఆమె కూతురిపై కన్నేశాడు. ఒంటరిగా ఉన్న సమయంలో ఆమె కూతురుపై అత్యాచారానికి పాల్పడ్డాడు. విషయం తెలుసుకున్న బాధితురాలి తల్లి పోలీసులకు ఫిర్యాదు చేసింది.
నేరేడ్మెట్ సీఐ జగదీష్చందర్ తెలిపిన వివరాల ప్రకారం... అడ్డగుట్టలో ఉంటున్న ఓ వితంతువు(35) దినసరి కూలీగా పని చేస్తూ జీవనం సాగిస్తోంది. ఈమె అక్క 11 ఏళ్ల క్రితం చనిపోవడంతో, ఆమె కూతురును పెంచుకుంటోంది. ప్రస్తుతం ఆ బాలిక 6వ తరగతి చదువుతోంది.
అదే ప్రాంతంలో ఉంటున్న ఆటో డ్రైవర్ మహమ్మద్ ఖలీల్(32)తో, ఆ వితంతు మహిళ గత నాలుగేళ్లుగా సహజీవనం చేస్తోంది. కాగా, గత నెల రోజులుగా ఖలీల్.. ఆరో తరగతి చదువుతున్న ఆ బాలికపై అత్యాచారం చేస్తున్నాడు. బాధిత బాలిక చెప్పడంతో విషయం తెలుసుకున్న ఆమె.. పోలీసులకు ఫిర్యాదు చేసింది. నిందితున్ని అరెస్టు చేసి రిమాండ్కు తరలించినట్లు సీఐ తెలిపారు.